कोल्हापूर : जिल्ह्यात सलग दोन दिवस झालेल्या पावसाने धडकी भरवली आहे. दोनच दिवसात राधानगरी धरणाचे तीन दरवाजे खुले झाले आहे. तर, पंचगंगा नदीचे पाणी पात्रा बाहेर आले असून पुन्हा एकदा पुराचे संकट ओढवले आहे. अजूनही पाऊस थांबायचे नाव घेत नाही. 

हेही वाचा - का म्हणतात या गावाला आचाऱ्यांचं गाव? दुबईपर्यत आहे येथील बल्लवाचार्यांचा डंका..

कसबा बावडा येथे राजाराम बंधारा येथील पंचगंगा नदीची पाणी पातळी चोवीस तासात 6 फुटाने वाढली आहे. काल सकाळी दहाच्या सुमारास पंचगंगा नदीची पाणी पातळी 27 फुट होती. आज सकाळी दहा वाजता 33 फुट झाली आहे. तर, जिल्ह्यातील 65 बंधारे पाण्याखाली गेले आहेत. 

जिल्ह्यात दोन दिवसांपासून मुसळधार तर पाणलोट क्षेत्रात अतिवृष्टी होत आहे. यामुळे पूराचे पाणी झपाट्याने वाढत आहे. सकाळी अकरापर्यंत जिल्ह्यात 35 बंधारे पाण्याखाली गेले आहेत. राधानगरी धरणाचे तीन  दरवाजे उघडले आहेत. त्यामुळे पाणी पातळी आणखी वाढण्याचा धोका निर्माण झाला आहे. ओढे, नाले तुंडूंब भरून वाहत आहेत. त्यामुळे नदीकाठच्या लोकांना पुन्हा एकदा पुर येण्याची धडकी भरली आहे. 

हेही वाचा - चंद्रकांत पाटील म्हणजे सौ चुहे खाके बिल्ली हज को चली ; हसन मुश्रीफांचा टाेला ..

जिल्ह्यातील बंधाऱ्यावरील पाणी पातळी

राजाराम बंधारा पाणी पातळी : 33 फुट, नरसिंहवाडी - 44 शिरोळ - 45, इचलकंरजी - 71,  तेरवाड - 52

संपादन - स्नेहल कदम