बेळगाव : कोरोनाच्या संकटामुळे शैक्षणिक वर्ष सुरु होण्यास विलंब झाला आहे. मात्र शिक्षण खात्याने शाळांना सुरुवात झाल्यानंतर दरवर्षी मोफत वितरीत केल्या जाणाऱ्या गोष्टींना अधिक विलंब होऊ नये यासाठी आतापासूनच शिक्षकांना नियोजन करण्याची सुचना केली आहे. तसेच दरवर्षी वर्षातून दोन वेळा वितरीत केले जाणारे गणवेश एकाचवेळी वितरीत केले जाणार आहेत. त्यामुळे शाळा सुरु झाल्यानंतर विद्यार्थ्यांना एकाचवेळी दोन जोड गणवेष मिळणार आहेत. 

दरवर्षी मे अखेरीस शाळा सुरु झाल्यानंतर विद्यार्थ्यांना पाठ्‌यपुस्तकांसह गणवेश वितरीत केला जातो. तर दुसरा गणवेश नोव्हेंबर किंवा डिसेंबर महिन्यात वितरीत केला जातो. मात्र यावेळी शाळा विलंबाने सुरु होणार असल्याने एकाचवेळी दोन्ही गणवेश वितरीत केले जाणार आहेत. त्यामुळे दरवर्षी दुसऱ्या गणवेशासाठी विद्यार्थ्यांना करावी लागणारी प्रतिक्षा थांबणार आहे. दरवेळी पहिला गणवेश वेळेत उपलब्ध करुन दिला जातो. मात्र दुसऱ्या गणवेशासाठी दरवर्षी विलंब होत असतो. गेल्या वर्षी विद्यार्थ्यांना एकच गणवेश उपलब्ध करुन देण्यात आला होता. त्यामुळे विद्यार्थ्यांमधून नाराजी व्यक्‍त होत झाली होती. तसेच काही वर्षांपुर्वी विद्यार्थ्यांना शिवलेला गणवेश दिला जात होता मात्र सध्या फक्‍त गणवेशाचा कपडा उपलब्ध करुन दिला जातो. त्यानंतर पालकांना गणवेश शिवून घ्यावा लागतो. बेळगाव शैक्षणिक जिल्हातील सरकारी शाळांमधील दोन लाखांहून अधिक विद्यार्थ्यांना यावेळी गणवेश वितरणाचा लाभ होणार आहे. सरकारकडून फक्‍त सरकारी शाळांमधील विद्यार्थ्यांनाच गणवेशाचे वितरण करण्यात येते तर अनुदानित व विना अनुदानित शाळांमधील विद्यार्थ्यांना गणवेश खरेदी करावा लागतो. 

हे पण वाचा - हातकणंगले लोकसभा मतदारसंघाचे उमेदवार हाजी असलम सय्यद यांच्यावर बलत्काराचा गुन्हा... 

2019-20 च्या शैक्षणिक वर्षासाठी दुसऱ्या गणवेशाची रक्‍कम विलंबाने शाळा सुधारणा कमिटीच्या खात्यावर जमा करण्यात आली होती. त्यामुळे काही शाळांनी गणवेश खरेदी केलेला नाही. त्या शाळांना शाळा सुरु होण्याअगोदर गणवेश खरेदी करण्याची सूचना करण्यात आली असून त्यामुळे एकाचवेळी दोन्ही गणवेश वितरीत होण्याची शक्‍यता आहे. 

-अण्णाप्पा पॅटी, शिक्षणाधिकारी

संपादन- धनाजी सुर्वे