इचलकरंजी  ः कबनूर येथील जयहिंदनगर गल्ली नं. 3 मधील यंत्रमाग कारखान्यात सुरू असलेल्या तीन पानी जुगार अड्ड्यावर छापा टाकून पोलिसांनी 9 जणांना अटक केली. पोलिस उपअधीक्षक गणेश बिरादार व त्यांच्या पथकाने ही कारवाई सायंकाळी केली. कारवाईत 8 मोबाईल, 5 मोटारसायकली, 23 हजार रोकड असा सुमारे 2 लाख 40 हजार रुपयांचा मुद्देमाल जप्त करण्यात आला.

कबनूर परिसरातील जयहिंदनगर येथील संतोष लाटणे यांच्या यंत्रमाग कारखान्यात जुगार सुरू असल्याची माहिती पोलिस उपअधीक्षक गणेश बिरादार यांना मिळाली. त्यांच्यासह पथकाने कारखान्यावर छापा टाकला. यावेळी जुगार खेळताना लतिफ फत्तुसाब पानारी (दत्तनगर), मल्लाप्पा राजाराम लाटणे (जयहिंदनगर), बाजीराव पांडुरंग पाटील, नितीन मारुती खोत, संदीप काशिनाथ मन्यागोळ (दत्तनगर), हमिद महंमद मुरसल (सहारानगर, रुई), आकाश राजेंद्र गांजवे (लक्ष्मीमाळ, कबनूर) व संतोष कुमार लाटणे (जयहिंदनगर) व अस्लम महंमद कोल्हापूरे (लक्ष्मीनगर) यांना पकडले. यामध्ये 23 हजार 110 रुपये रोकड, 46 हजार रुपयांचे 8 मोबाईल व 1 लाख 70 हजारांच्या 5 मोटारसायकली असा सुमारे 2 लाख 40 हजार रुपयांचा मुद्देमाल जप्त केला. ही कारवाई बिरादार यांच्यासह कॉन्स्टेबल सुनील पाटील, सागर हारगुले, जगदीश अकिवाटे, गजानन बरगाले, संतोष साळुंखे, सद्दाम शेख यांच्या पथकाने केली.

संपादन ः रंगराव हिर्डेकर