02488

दौलत सेवा संस्थेच्या
अध्यक्षपदी दगडू भोसले
साळवण : निवडे (ता. गगनबावडा) येथील श्री दौलत विकास सेवा संस्थेच्या अध्यक्षपदी आमदार सतेज पाटील गटाचे दगडू बापू भोसले यांची तर उपाध्यक्षपदी सागर लक्ष्मण कांबळे यांची बिनविरोध निवड झाली. निवडणूक निर्णय अधिकारी म्हणून आर. ए. कोगनोळे यांनी काम पाहिले. माजी अध्यक्ष मारुती केरबा पाटील व उपाध्यक्ष खातुनबी करीम तरटे यांनी पदाचा राजीनामा दिल्याने ही पदे रिक्त होती. निवडीसाठी आज संस्था कार्यालयात आयोजित संचालक मंडळाच्या बैठकीत अध्यक्ष व उपाध्यक्ष पदासाठी एकच अर्ज आल्याने दगडू भोसले यांची अध्यक्षपदी व सागर कांबळे यांची उपाध्यक्षपदी बिनविरोध निवड झाल्याचे घोषित करण्यात आले. निवडीप्रसंगी राजाराम धोंडी पाटील, बापू गणपती शेटे, सखाराम शंकर भोसले, पांडुरंग येसबा पाटील, मारुती केरबा पाटील, सरदार हिंदूराव पाटील, शिवाजी मारुती पाटील, खातुनबी करीम तरटे, कमल सुभाष खुटाले आदी संचालक उपस्थित होते. सचिव सुनील पोहाळकर यांनी आभार मानले.