02692
आमरोळी ः गुणवंत विद्यार्थी व शिक्षकांचा सत्कार करताना केंद्र प्रमुख क. ई. पाटील. शेजारी सरपंच सुवर्णा मंडलिक व इतर.
----------------------------------------------------------------------------------
आमरोळी शाळेत गुणवंतांचा सत्कार
सकाळ वृत्तसेवा
चंदगड, ता. २८ ः आमरोळी (ता. चंदगड) येथील केंद्रीय प्राथमिक शाळेत केंद्रांतर्गत गुणवंत विद्यार्थी व शिक्षकांचा सत्कार झाला. मुख्याध्यापिका गीतांजली देसाई अध्यक्षस्थानी होत्या.
केंद्रातील केंचेवाडी शाळेतील शिक्षक सटुप्पा फडके यांनी आईच्या स्मरणार्थ हा कार्यक्रम घेतला. २०२२-२३ या शैक्षणिक वर्षात नवोदय, शिष्यवृत्ती, प्रज्ञाशोध परीक्षा, क्रीडा स्पर्धेत यश मिळवलेल्या विद्यार्थी व मार्गदर्शक शिक्षकांचा सत्कार केला. तनिष्क भामरे, तन्वी कुवर, प्रथमेश लोहार, आयुषा फडके, सेजल मंडलिक, सुजाता गावडे, आदिती मेंगुलकर या विद्यार्थ्यांसह मार्गदर्शक शिक्षक मोहन पाटील, सटुप्पा फडके, महादेव साळवे, सागर मोरे, सुलोचना गंधवाले, पुंडलिक भिकले, रमेश नाईक, निलेश पोवार, चैत्राली सुतार यांचा सन्मानचिन्ह व ग्रंथ भेट देऊन सत्कार झाला.
केंद्र प्रमुख क. ई. पाटील, सरपंच सुवर्णा मंडलिक, शाळा व्यवस्थापन समितीचे अध्यक्ष अनिल नांगनूरकर, संतोबा धरमले, केंद्र समन्वयक सुरज भामरे, प्रकाश कडूकर, चंद्रकांत चिगरे, मारुती चिंचणगी, सुनील कुंभार, हणमंत नाईक, नामदेव कोले, लक्ष्मण आंबिटकर, रेणु कांबळे, विजय ढोणुक्षे यांच्यासह विद्यार्थी उपस्थित होते. उत्तम यमगेकर यांनी सूत्रसंचालन केले. शुभांगी नाईक यांनी आभार मानले.