शिक्षकाचे क्लिपार्ट टाकावे....
.................
प्राथमिक शिक्षकांची ११७ पदे रिक्त

भुदरगड तालुका : रिक्त पदे त्वरित भरण्याची मागणी

सकाळ वृत्तसेवा
गारगोटी, ता. १८ : भुदरगड तालुक्यातील अनेक प्राथमिक शाळांमध्ये अध्यापक, मुख्याध्यापक, केंद्रप्रमुख अशी ११७ पदे रिक्त आहेत. प्राथमिक शाळा सुरू झाल्या तरी रिक्त पदांचा प्रश्न मार्गी लागलेला नाही. यामुळे विद्यार्थ्यांचे शैक्षणिक नुकसान होऊ नये यासाठी रिक्त पदे त्वरित भरावीत, अशी मागणी पालक व शिक्षकांमधून होत आहे.
भुदरगड पंचायत समिती शिक्षण विभागाकडे अध्यापक, मुख्याध्यापक, केंद्रप्रमुख अशी ५७४ पदे मंजूर आहेत. यापैकी ४५७ पदे कार्यरत आहेत, तर ११७ रिक्त आहेत. कडगाव, करडवाडी, कूर, गंगापूर, गारगोटी, दासेवाडी, पाटगाव, पिंपळगाव, मडूर, वेसर्डे, शेळोली, हेदवडे या १२ ठिकाणी केंद्रप्रमुखांची पदे रिक्त आहेत. शेणगाव, गारगोटी पिंपळगाव विभागातील शिक्षण विस्तार अधिकाऱ्यांची पदे रिक्त आहेत.
गंगापूर, गारगोटी, खानापूर, पाळ्याचाहुडा, मठगाव, अनफ खुर्द, अनफवाडी, मुरुक्टे, दारवाड, नवरसवाडी, लोटेवाडी, वेसर्डे, सोनुर्ली, ममदापूर या १४ ठिकाणी गणित विषयांचे अध्यापक, तर तिरवडे, आकुर्डे, मुदाळ, आदमापूर, कोनवडे, नाधवडे, टिक्केवाडी, पंडिवरे, पळशिवणे, कलनाकवाडी, लहान बारवे, मडूर, दारवाड, मिणचे बुद्रुक, लोटेवाडी, वेसर्डे, शेळोली, भाटिवडे या १८ ठिकाणी भाषा अध्यापक पदे रिक्त आहेत.
तिरवडे, वेसर्डे, मडूर, पिंपळगाव, नाधवडे या ठिकाणी मुख्याध्यापकांची, मुदाळ, नाधवडे, बसुदेव धनगरवाडा, निळपण, दारवाड, ठाणेवाडी, मडिलगे बुद्रुक, आंबवणे, हणबरवाडी, गारगोटी, हेळेवाडी, मोठे बारवे, नागनवाडी, मुरुक्टे, भांडीबांबर, बेगवडे, बेडीव, आरळगुंडी, कोळवण, काळम्मावाडी, आकुर्डे, शिंदेवाडी, पुष्पनगर, माळवाडी, मडूर, चोपडेवाडी, निष्णप, बिद्री पेठशिवापूर, कुंभारवाडी, खेडगे, न्हाव्याचीवाडी, रावणवाडी, पडखंबे-खोतवाडी, मेघोली धनगरवाडा, नांदोली, शिसेवाडी, गडदुवाडी, भालेकरवाडी, कुडतरवाडी, करंबळी, कोल्हेवाडी, उकीरभाटले, कोंडोशी, सुतारवाडी, चांदमवाडी, अनफ बुद्रुक, अंतुर्ली, चाफेवाडी, मानी, शिवडाव, सिद्धानंदनगर, वाण्याचीवाडी, मिणचे बुद्रुक, करडवाडी, महालवाडी, मडिलगे बुद्रुक, देवकेवाडी, अंतिवडे, एरंडपे धनगरवाडा, रेवडेवाडी, कारीवडे, डेळे, भारमलवाडी, तळीवाडी, भटवाडी या ६५ ठिकाणी अध्यापक पदे रिक्त आहेत.
......
कोट...
शिक्षण विभागात सध्या पदोन्नती, बदली आणि नवीन भरती प्रक्रिया सुरू आहे. विद्यार्थ्यांचे नुकसान टाळण्यासाठी भुरगड तालुक्यात महिनाभरात तातडीने सर्वाधिक जागा भरल्या जातील.
- दीपक मेंगाणे, गट शिक्षणाधिकारी, भुदरगड
...................
चौकट...
दृष्टिक्षेपात रिक्त पदे

१२ गावांत ः केंद्रप्रमुख पदे रिक्त
५ गावांत ः मुख्याध्यापक पदे रिक्त
१४ गावांत ः गणित विषय अध्यापक पदे रिक्त
१८ गावांत ः भाषा अध्यापक पदे रिक्त
६५ गावांत ः अध्यापक पदे रिक्त
३ विभागांत ः शिक्षण विस्तार अधिकारी पदे रिक्त