04520, 04522
वर्ल्ड फॉर नेचर टीमचे ‘माझी चिऊताई’ अभियान
कंदलगाव ता. १७ : चिमण्यांच्या संवर्धनासाठी आपण काय केले याबाबतचा व्हीडीओ व कृती थोडक्यात वर्ल्ड फॉर नेचर टिमकडे पाठवावी, असे आवाहन वर्ल्ड फॉर नेचरचे महाराष्ट्र राज्य अध्यक्ष अभिजीत वाघमोडे यांनी केले आहे. सध्या याच अभियाना अंतर्गत "सेल्फी विथ वॉटर फॉर बर्डस अँड एनिमल्स" हा उपक्रम घेतला जात आहे. चिमणी व इतर पक्ष्यांसाठी पाण्याची व्यवस्था करून त्याचे सेल्फी, फोटो व व्हिडीओ थोडक्या शब्दात वर्णन करुन पाठवायचे आहे. जेणेकरून इतरांना यातून नक्कीच प्रेरणा मिळेल व योग्य त्या आवश्यक असणाऱ्या उपाययोजना व कृती करून चिमण्यांची कमी झालेली संख्या वाढण्यास मदत होईल. जास्तीतजास्त लहान मुले यात सहभागी होत आहेत व यासाठी पूर्ण राज्यभरातून फोटो, विडिओ पाठवावे.
चिऊताईच्या घरट्यासाठी व जलपात्रासाठी तुम्ही खाली दिलेल्या घरातील टाकाऊ वस्तूंचा वापर करू शकता.
नारळाची करवंटी, मातीची वापरात नसलेली भांडी. प्लॅस्टिक चे अडगळीतले डब्बे, कॅन. खराब असलेली खोलगट भांडी. संक्रातीसाठी वापरलेली लोटकी, सुगड खराब, असलेले कागदी खोके, पुठ्ठे ,प्लॅस्टिकच्या खराब झालेल्या PVC पाईप. इत्यादी.
मोहिमेत जास्तीत जास्त पक्षी प्रेमींनी भाग घ्यावा. असे आवाहन वर्ल्ड फॉर नेचर टीमने केले आहे.