स्त्री निरोगी असेल तर
कुटुंबही निरोगी राहू शकते

डॉ. चौधरी : महिलांसाठी आरोग्य शिबिर

कोल्हापूर, ता. ४ : ‘‘एक स्त्री निरोगी असेल तर तिचे कुटुंबही निरोगी राहू शकते. त्यासाठी स्त्रीयांनी आरोग्याबाबत सजग राहावे. कोणत्याही आजाराची लक्षणे दिसतात. कर्करोगासारखे आजारही प्राथमिक अवस्थेत असल्यास अधुनिक उपचार तंत्राद्वारे बरे होतात. गंभीर आजारही कायमस्वरूपी बरा होऊन तंदुरुस्त जीवन जगता येते.’’ असे मत डॉ. यशस्वी चौधरी यांनी व्यक्त केले.
करवीर ब्राह्मण सभा मंगलधाम व चित्त पावन संघ, ॲपल कॅन्सर इऩ्स्टिट्यूटतर्फे महिलांसाठी मोफत आरोग्य शिबिर घेण्यात आले. या वेळी त्या बोलत होत्या.
ॲपलच्या कार्यकारी संचालिका गीता आवटे म्हणाल्या की, ‘‘महिलांनी आरोग्याबाबत जागृक राहावे, कोणत्याही आरोग्यविषयक शंका समस्यांचे तज्ज्ञ डॉक्टरांकडून निरसन करून घ्यावे.’’ डॉ. नाकिया मुल्ला यांनी महिलांच्या गर्भाशयाचे आजार, सर्व्हायकल कॅन्सर, स्तनाचा कॅन्सर लक्षणे व उपचाराबाबतची माहिती दिली. तसेच महिलांनी आजारांविषयी संकोच न करता तपासणी व उपचार घ्यावेत.
शंभरावर महिलांची आरोग्य तपासणी झाली. नंदकुमार मराठे, संगीता आपटे, सीमा गोखले. श्रीकांत लिमये, प्रसाद भिडे, केदार जोशी, संतोष साने आदीनी संयोजन केले.