बसमधून उतरताना महिलेचे
अडीच लाखांचे दागिने चोरीला
कोल्हापूर, ता. १७ ः कावळा नाका येथे एसटी बसमधून उतरताना महिलेची पर्स चोरट्याने पळवली. पर्समध्ये सुमारे अडीच लाखांचे दागिने होते. शनिवारी (ता.१५) संध्याकाळी पाचच्या दरम्यान हा प्रकार घडला आहे. याप्रकरणी राखी अनिकेत सोनसूरकर (वय २५, रा. लाईन बाजार, कसबा बावडा, कोल्हापूर) यांनी दिलेल्या फिर्यादीवरून शाहूपुरी पोलिस ठाण्यात गुन्हा दाखल केला आहे. पोलिसांनी दिलेल्या माहितीनुसार, सोनसूरकर बेळगावहून कोल्हापूरला येत होत्या. प्रवासात त्यांनी पर्समध्ये दागिने ठेवले होते. यामध्ये साडेचार तोळ्यांचे सोन्याचे गंठण, पाच ग्रॅमचे कानातील टॉप्स आणि रोख ५०० रुपये असा सुमारे अडीच लाख रुपयांचा ऐवज होता. एसटीमधून उतरताना कावळा नाका येथे चोरट्याने पर्स चोरली. घरी पोहचल्यावर सोनसूरकर यांना पर्स चोरल्याचे लक्षात आले. शाहूपुरी पोलिस तपास करत आहेत.