फोटो 84999

इच्छांवर नियंत्रण ठेवल्यास सुखी आयुष्य
राजरक्षितविजयजी ः किणी येथे विहारयात्रेत मार्गदर्शन

सकाळ वृत्तसेवा
कोल्हापूर, ता. २१ ः ‘जो माणूस आपल्या इच्छांवर नियंत्रण ठेवू शकतो, तो सुखी आयुष्य जगू शकतो,’ असा मौलिक मंत्र राजरक्षितविजयजी यांनी दिला. कोल्हापूर ते पुणे विहारयात्रेदरम्यान किणी (ता. हातकणंगले) येथे आगमन झाल्यानंतर त्यांनी उपस्थितांशी संवाद साधला.
राजरक्षितविजयजी म्हणाले, ‘धर्माचे फळ समता असते. ज्या पद्धतीने अवकाशाला काही अंत नाही, त्याचपद्धतीने आपल्या इच्छांनाही कुठलाच अंत नाही. सध्याच्या टीव्ही आणि सोशल मीडियाच्या जमान्यात तर विविध प्रकारच्या जाहिराती अनेक इच्छांना खतपाणी घालतात. त्याचा परिणाम लहान मुलांवरही होत असून, पालकांकडे त्यांच्या मागण्या वाढू लागल्या आहेत. त्यामुळे आता सर्वांनीच जागे होण्याची वेळ आली आहे. साधे जीवन आणि उच्च विचारसरणी सर्वांनाच आत्मसात करावी लागणार आहे.’ दरम्यान, बुधवारी (ता. २२) इस्लामपूर येथील जैन संघात राजरक्षितविजयजी मार्गदर्शन करणार आहेत.