28782
पेठवडगाव ः येथे आदर्श गुरुकुल विद्यालयात क्रीडा महोत्सवाच्या उद्‍घाटनप्रसंगी बोलताना कोल्हापूर क्रीडा उपसंचालक माणिकराव वाघमारे.
...............
खेळाडूंनी खेळातून करिअर
घडवावे ः माणिक वाघमारे

आदर्श गुरुकुल विद्यालयात क्रीडा महोत्सव

पेठवडगाव, ता. १ ः राही सरनोबत, तेजस्विनी खाडे, नितीन मदने, राहुल कवाडे यांसारखे खेळाडू ‘क्लास वन अधिकारी’ पदावर कार्यरत आहेत. आंतरराष्ट्रीय स्तरावर उत्कृष्ट कामगिरी करणाऱ्या खेळाडूंना परीक्षा न देता वरिष्ठ पदावर थेट नियुक्ती होते. त्यामुळे खेळाडूंनी खेळातून करिअर घडवावे,’ असे प्रतिपादन कोल्हापूर क्रीडा उपसंचालक माणिकराव वाघमारे यांनी केले. येथील आदर्श गुरुकुल विद्यालयातील २१ व्या क्रीडा महोत्सवाच्या उद्‍घाटनप्रसंगी ते बोलत होते.
मुख्याध्यापक एम. डी. घुगरे यांनी स्वागत व प्रास्ताविक केले. पैलवान आप्पासाहेब कदम यांनी मार्गदर्शन केले. याप्रसंगी क्रीडा ज्योतीचे पूजन केले. एन.सी सी. छात्रांनी मानवंदना दिली. कुस्ती, रोलबॉल, जम्परोप अशा विविध खेळांचे प्रात्यक्षिक व सांस्कृतिक कार्यक्रम सादर केले. जिमखाना विभागप्रमुख एन. ए. कुपेकर यांनी क्रीडा अहवालाचे वाचन केले. एस. डी. पाटील व एस. सी. शिखरे यांनी सूत्रसंचालन केले. कार्यक्रमास पन्हाळा हिल मॅरेथॉन विजेते प्रशांत तोडकर, माजी विद्यार्थी असलेले पाटबंधारे विभागाचे अभियंता अक्षय बरकाळे, दापोली तलाठी, प्रमोद कैकाडी, युवा उद्योजक ओंकार डोईजड, संस्थेचे अध्यक्ष डॉ. डी. एस. घुगरे, शिवछत्रपती क्रीडा पुरस्कार विजेत्या दया कावरे आदी प्रमुख मान्यवर उपस्थित होते.