35947

न्यू इंडियन क्राफ्ट
एक्स्पोला उत्स्फूर्त प्रतिसाद

कोल्हापूर​, ता. २ : देशभरातील विविध ​भागांतील वस्तूंचे प्रदर्शन ​पुन्हा एकदा सुरू झाले आहे. न्यू इंडियन क्राफ्ट एक्स्पो​ राजहंस प्रिंटिंग प्रेस ​समोरील खुल्या मैदानामध्ये सुरू झाले आहे. हे ​प्रदर्शन संगीता हँडलूम अँड हथकरघा वेल्फेअर सोसायटी यांच्या संयुक्त विद्यमाने आयोजित करण्यात ​आल्याची माहिती आशुतोष शर्मा व प्रकाश कालकुंद्रीकर यांनी दिली.
संपूर्ण कुटुंबाची खरेदी एकाच ठिकाणी करता यावी अशा प्रकारचे हे प्रदर्शन ४० दिवस चालणार असून प्रदर्शनात प्रवेश व पार्किंगची मोफत सोय आहे. हस्तकला कारागिरांना प्रोत्साहन देण्यासाठी या प्रदर्शनाचे आयोजन केले आहे​. प्रदर्शनात देशभरातील १०० हून अधिक स्टॉलधारकांनी भाग घेतला आहे. हँडमेड गिफ्ट्स, ज्वेलरी, टेराकोटा होम डेकोर, डिजाईनर क्लोथ, वाराणसी साड़ी, कोलकाता, आसामी क्लोथ, लखनवी चिकनकारी ड्रेस मटेरियल, चप्पल, बदोही कारपेट, पायपोस, हर्बल प्रॉडक्ट्स, मुलांची खेळणी​, गृह सजावटीसाठीचे विविध साहित्य, हैद्राबादी बॅंगल्स, मसाले, लोणचे, पापड, चटण्या​ यासह अनेक वस्तू उपलब्ध आहेत. प्रदर्शनाला कोल्हापूरकरांनी भरघोस खरेदी करून प्रतिसाद दिला. प्रदर्शनाला भेट देऊन याचा लाभ घ्यावा; असे आवाहन ​आयोजकांनी केले​ आहे.