80685
कोल्हापूर : आसमा चषक क्रिकेट स्पर्धेतील उपविजेता ‘सकाळ’ संघाला चषक देताना फेमचे अध्यक्ष महेश कराडकर. शेजारी आसमाचे अध्यक्ष सुनील बासराणी.

‘आसमा’ क्रिकेट स्पर्धेत ‘सकाळ’ उपविजेता
कोल्हापूर, ता. ५: आसमा चषक क्रिकेट स्पर्धेत जिल्हा मुद्रक संघ विजेता तर ‘सकाळ’ उपविजेता ठरला. ॲड एजन्सीज व मीडिया असोसिएशनतर्फे (आसमा) शास्त्रीनगर मैदानावर स्पर्धा झाली.
सकाळविरुद्ध मुद्रक संघ यांच्यात अंतिम सामना झाला. ‘सकाळ’ने ८ षटकांत ७५ धावा फटकावल्या. मुद्रक संघाने हे आव्हान पूर्ण करत सामना जिंकला. आसमाच्या विविध सभासदांच्या हस्ते पारितोषिक वितरण करण्यात आले.
तीन वर्षे कोविडच्या कारणास्तव या स्पर्धा झाल्या नव्हत्या. यंदा आठ संघांत स्पर्धा झाली. सर्व सामने शेवटच्या षटकांपर्यंत अटीतटीने खेळले गेले.
यंदा तृणधान्य अर्थात मिलेट वर्ष केंद्र सरकारने घोषित केले आहे. त्याचे महत्त्व सर्वांपर्यंत पोचावे यासाठी त्यावर आधारित ''मिलेट कट'' अशी थीम स्पर्धेसाठी बनवली होती.
आसमाचे अध्यक्ष सुनील बासराणी, स्पर्धा कमिटी चेअरमन मनीष राजगोळकर, उपाध्यक्ष पी. एस. कुलकर्णी, सचिव संजीव चिपळूणकर, खजानिस राजाराम शिंदे, सभासद प्रशांत बुचडे, सुनील बनगे, सुहास लुकतुके, अभय मिराशी, अमरदीप पाटील, अमरसिंह भोसले, अतुल उपळेकर, संजय रणदिवे, संजय थोरवत, सुधीर शिरोडकर, राजू परुळेकर, अनिरुद्ध गुमास्ते, शरद पाटील, विवेक मंद्रूपकर, प्रशांत कुलकर्णी यांनी संयोजन केले.
..........
उत्कृष्ट असे :
मालिकावीर : शिवाजी खांडेकर
सामनावीर : महेंद्र आंबेकर
फलंदाज : महेंद्र आंबेकर
गोलंदाज : संदीप वणिरे
क्षेत्ररक्षक : विजय नाईक