02964

सकाळ इम्पॅक्ट

कोतोली फाटा ते नांदारी
मार्गावर बॅरिकेटस् लावले

माजगाव ता. १६ : कोल्हापूर ते पाचलला मार्गावरील कोतोली फाटा ते नांदारीपर्यंत २८ किलोमीटरचे काम गतीने सुरू आहे. संबंधित ठेकेदाराने खोदाई केलेला मार्ग दर्शविण्यासाठी रिफ्लेक्टर अगर बॅरिकेट लावले नव्हते. खडीची पोती ठेऊन ठेकेदारांनी जबाबदारी झटकली होती. वाहतुकीसाठी हा मार्ग धोकादायक बनला होता. या संदर्भात दै. ‘सकाळ’ने वृत्त प्रसिद्ध केले. याची दखल घेऊन ठेकेदारांने सुरक्षिततेसाठी बॅरिकेटस् लावले आहेत. वाहनधारकांमधून समाधान व्यक्त होत आहे.
ामार्गासाठी आमदार डाॅ.विनय कोरे यांच्या प्रयत्नातून ए.डी.बी योजनेतून २०५ कोटीचा निधी मंजूर झाला. कोतोली फाटा ते नांदारीपर्यंत रस्त्याची बाजूपट्टी पाच फुटाच्या मापाने खोलवर खोदली आहे. रस्त्याशेजारून पर्यायी मार्ग सुरू ठेवला आहे. खोदाई केलेला मार्ग दर्शविण्यासाठी खडीची पोती ठेवली होती. रात्री रस्त्याचा अंदाज न आल्याने दुचाकीस्वार चरीत पडून जायबंदी झाल्याच्या घटना घडत होत्या. पर्यायी रस्त्याचा मार्ग बदललेल्या ठिकाणी रस्ता बंद करून रिफ्लेक्टर लावण्याची नितांत गरज होती. काही ठिकाणी कापडी पट्टया बांधल्या आहेत. यासंदर्भात वृत्त प्रसिद्ध केल्यानंतर ठेकेदाराने दिशादर्शनासाठी बॅरिकेटस् लावले.