पिंपळगाव विभागात
शेतीला दिवसा वीज
पिंपळगाव ः शेतकऱ्यांना शेती पंपासाठी दिवसा वीजपुरवठा करावा अशी मागणी पंचायत समिती सदस्य सुनील किरोळकर यांनी केली होती. मागणीचे निवेदन अभियंता सत्यवान राऊत यांना दिले. मागणीनुसार आठवड्यातून चार दिवस दिवसा वीजपुरवठा सुरू करण्यात आला आहे. आरळगुंडी, पिंपळगाव परिसरातील शेतकऱ्यांनी समाधान व्यक्त केले. निवेदन देताना पंचायत समिती सदस्य सुनील किरोळकर, युवासेना भुदरगड तालुकाप्रमुख विद्याधर परीट, सचिन शेटके, आनंदा मिटके, शिवाजी तोरस्कर, आनंदा शेवाळे उपस्थित होते.