नवेखेड : कृष्णा कारखान्याच्या निवडणुकीत गुलाल आपलाच असे सांगत तिन्ही पॅनेलच्या समर्थकांनी पॅनेलला विजयाची संधी असल्याचा विश्वास व्यक्त केला आहे. कृष्णाच्या निवडणुकीत सरकार, संस्थापक व रयत अशी तिरंगी लढत रंगली आहे. तिन्ही पॅनेलने आपल्या परीने या निवडणुकीत रंगत आणली आहे.

रणशिंगाची दुधबी, हलगीचा कडकडाट, नेत्यांच्या विजयाच्या घोषणा, आसमंत दणाणून निघाला आहे. कराड तालुका, घाट माथा व वाळवा तालुका या ठिकाणी या निवडणुकीची चर्चा रंगली आहे. आज अखेर भल्याभल्यांचा कृष्णा कारखान्याच्या निवडणुकीचा अंदाज चुकला आहे. तिनही पॅनेल दिवसभर घरगुती बैठका, उमेदवारांकडून सभासदांशी संवाद, रात्री पॅनलच्या प्रमुख नेत्यांची मोठ्या गावात सभा असे प्रचाराचे सूत्र ठेवली आहे.

सोशल मीडियाचा या प्रसारासाठी वापर केला जात आहे. प्रत्येक पॅनलच्या पोस्टरवर स्वर्गीय यशवंतराव चव्हाण, राजारामबापू पाटील यांच्या प्रतिमा आहेत. सहकार पॅनलकडून घरपोच साखर, खाजगीकरण होणार नाही अशा पद्धतीचे आश्वासन जाहीर सभांमधून दिले जात आहे. संस्थापकांकडून पूर्वीच्या पाच वर्षात चालवलेला कारखाना अक्रियाशील सभासदांना मतदानाचा हक्क देणार, वारसा नोंदी करणार अशी आश्वासने दिली जात आहे. रयतकडून पूर्वीच्या कारभाराचे समर्थन केले जात आहे. या जाहीर सभांमधून ग्रामीण बोली भाषेतील वक्त्यांच्या कष्टावर लोकांचा उत्कृष्ट प्रतिसाद आहे.

शिट्ट्या टाळ्या वाजत आहेत. हे भक्ती विरोधी पॅनलमधील त्यांचा स्वभाव, त्यांच्या लकबी इतिहास मांडताहेत. या सभा, सभासदांचे प्रबोधन करण्याबरोबरच मनोरंजन करणारे ठरत आहेत. पारकट्टे, सार्वजनिक कार्यक्रम, घरगुती कार्यक्रम या ठिकाणी कृष्णेत कसं होईल? कुणाची सत्ता येईल? कुणाची आली पाहिजे क्रॉस वोटिंग होणार का? अशाच चर्चा रंगली आहेत. या चर्चेच्या उत्तरासाठी एक जुलैपर्यंत प्रतीक्षा करावी लागणार आहे हे नक्की