सांगली : स्वाभिमानी पक्षाला सांगली लोकसभेची जागा सोडण्यावरून माजी मुख्यमंत्री वसंतदादा पाटील यांचे नातू प्रतिक पाटील यांनी आज (रविवार) काँग्रेसच्या सर्व पदांचा राजीनामा दिला आहे. 

काँग्रेसचे माजी केंद्रीय राज्यमंत्री प्रतीक पाटील यांची काँग्रेसला सोडचिठ्ठी दिली आहे. काँग्रेसला आता वसंतदादा घराणे नको आहे.. तर आम्हाला काँग्रेस नको, मी काँग्रेसचा राजीनामा देत आहे. काँग्रेस पक्षाशी माझे नाते संपले आहे. दादा घराण्याला वागणूक दिली जात नाही. दादा घराणे संपवण्याचे काम काँग्रेसमध्ये सुरू आहे. विशाल पाटील यांनी काँग्रेसकडून अर्ज भरावा, तिकीट नाही मिळाले तर अपक्ष लढवू, असे प्रतिक पाटील यांनी म्हटले आहे.

वसंतदादा पाटील यांचे नातू आणि प्रतिक पाटील यांचे भाऊ विशाल पाटील सांगलीतून लोकसभा निवडणूक लढवणार आहेत. वसंतदादाचे घर संपवायचे काम सुरू आहे, पण वसंतदादा घर संपणार नाही, काँग्रेस संपेल, असे विशाल पाटील यांनी म्हटले आहे.