lok sabha election narendra modi and uddhav thackeray meeting in solapur today Sakal
सोलापूर

लोकसभा निवडणुकीच्या प्रचारात आता खऱ्या अर्थाने रंगत; सोलापुरात आज मोदी, ठाकरेंची सभा

पंतप्रधान मोदी यांची सभा दुपारी तर ठाकरे यांची सभा सायंकाळी असल्याने पंतप्रधान मोदींना ठाकरे काय प्रत्युत्तर देणार?

सकाळ वृत्तसेवा

सोलापूर : लोकसभा निवडणुकीच्या प्रचारात आता खऱ्या अर्थाने रंगत वाढण्यास सुरवात झाली. सोलापुरातील भाजप उमेदवार आमदार राम सातपुते यांच्या प्रचारासाठी पंतप्रधान नरेंद्र मोदी तर काँग्रेस उमेदवार आमदार प्रणिती शिंदे यांच्या प्रचारासाठी शिवसेना उद्धव बाळासाहेब ठाकरे पक्षाचे प्रमुख उद्धव ठाकरे यांची उद्या (सोमवार, ता. २९) सोलापुरात सभा होत आहे.

पंतप्रधान मोदी यांची सभा दुपारी तर ठाकरे यांची सभा सायंकाळी असल्याने पंतप्रधान मोदींना ठाकरे काय प्रत्युत्तर देणार? याकडे सर्वांचे लक्ष लागले आहे. सोलापुरातील होम मैदानावर उद्या (सोमवार) दुपारी १२.३० वाजता पंतप्रधान मोदी यांची सभा होणार आहे.

या सभेसाठी मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार यांच्यासह महायुतीचे राज्यातील व जिल्ह्यातील नेते उपस्थित राहणार आहेत. उपमुख्यमंत्री फडणवीस, प्रदेशाध्यक्ष चंद्रशेखर बावनकुळे सोलापुरात दाखल झाले आहेत. भाजपसाठी मोदी यांची सभा महत्त्वाची असल्याने या सभेसाठी भाजपने सूक्ष्म नियोजन केले आहे.

सायंकाळी ६ वाजता शिवसेना प्रमुख उद्धव ठाकरे यांची सभा सोलापुरातील कर्णिकनगर येथील मैदानावर होणार आहे. या सभेला माजी मुख्यमंत्री सुशीलकुमार शिंदे यांच्यासह जिल्ह्यातील महाविकास आघाडीचे नेते उपस्थित राहणार आहेत. सोलापूर शहर व जिल्ह्यात ठाकरे यांच्यावर प्रेम करणारा मोठा वर्ग आहे.

आजपर्यंत ठाकरेंच्या आदेशाने शिवसैनिक भाजपच्या पाठीशी उभा राहिला आहे. राज्यातील महाविकास आघाडीचे सरकार गेल्यानंतर ठाकरे पहिल्यांदाच सोलापूरच्या दौऱ्यावर येत आहेत. त्यामुळे या दौऱ्याला अधिक महत्त्व आहे. उद्याच्या सभेसाठी शिवसेना उद्धव बाळासाहेब ठाकरे पक्षाने व काँग्रेसने जय्यत तयारी केली आहे.

एकाच दिवशी सभेचा योग

लोकसभा निवडणुकीच्या प्रचारानिमित्त पंतप्रधान नरेंद्र मोदी यांनी आतापर्यंत महाराष्ट्राचा वारंवार दौरा केला आहे. शिवसेना प्रमुख उद्धव ठाकरे हे देखील राज्यभर सभेसाठी फिरत आहेत. एकाच दिवशी एकाच शहरात मोदी व ठाकरे यांची सभा होण्याचा योग राज्यात फक्त सोलापुरात आला आहे. एकाच दिवशी दोन्ही नेते सोलापुरात असल्याने उद्याच्या दोन्ही सभांकडे सर्वांचे लक्ष लागले आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Heavy Rain : मराठवाड्यात अतिवृष्टीचे थैमान; नांदेड, लातूर जिल्ह्यांत कहर; सात जिल्ह्यांतील १३० मंडलांना दणका

ED Notice : ‘ED’चे मोठे पाऊल!, इंटरपोलकडून पहिल्यांदाच पर्पल नोटीस जारी

Vani Accident : टॅक्टर ट्रॉलीस कारची धडक; १३ महिलांसह १४ जखमी

Ganesh Naik: अनधिकृत बांधकामांवर कठोर कारवाई करा, गणेश नाईक यांचे आदेश

यंदाच्या विसर्जन मिरवणुका होणार डीजेमुक्त! पोलिस आयुक्त कारवाईबाबत सक्त, ‘डीजे’वाले वरमले; डीजेविरोधातील असंतोषाला वाट, दर तासाला ३०० सोलापूरकरांचे मिस कॉल

SCROLL FOR NEXT