लोणावळा (पुणे) : पुणे-मुंबई द्रुतगती मार्गावर (Pune-Mumbai Expressway) बोरघाटात खोपोली हद्दीत आडोशी बोगद्याजवळ तेलाचा टँकर उलटला. या अपघातामुळे मुंबईच्या दिशेने जाणारी वाहतूक विस्कळीत झाली आहे.
अपघातामुळे टँकरमधील तेल द्रुतगती मार्गावर पसरल्याने अपघात होऊ नये, यासाठी खबरदारीचा उपाय म्हणून द्रुतगतीवरील वाहतूक जुन्या मुंबई-पुणे राष्ट्रीय महामार्गावरून लोणावळ्यातून वळविण्यात आली आहे. महामार्ग पोलिसांनी दिलेल्या माहितीनुसार, आडोशी बोगद्याजवळ आज सकाळी साडेअकरा वाजण्याच्या सुमारास पुण्याहून मुंबईच्या दिशेने भरधाव जाणाऱ्या तेलाच्या टँकरचालकाचे वाहनावरील नियंत्रण सुटले. त्यामुळे टँकर मार्गालगत दरडींना धडकत द्रुतगती मार्गावर आडवा झाला. टँकरमधून तेलाची गळती सुरू झाल्याने तेल रस्त्यावर पसरले.
खबरदारीचा उपाय म्हणून द्रुतगती मार्गावरील मुंबईच्या दिशेने जाणारी अवजड वाहतूक थांबविण्यात आली आहे. तर हलकी वाहने वळवण येथून लोणावळा, खंडाळा मार्गे जुन्या महामार्गावर वळविण्यात आली. तसेच मोठी अवजड वाहने थांबविण्यात आली. त्यामुळे वाहनांच्या रांगा लागल्या आहेत. महामार्ग पोलिस, आयआरबी कंपनीच्या कर्मचाऱ्यांनी पाण्याने रस्ता धूत साफ करण्याचे काम युद्ध पातळीवर करण्यात आले. मार्गावरून वाहने निसटू नये, यासाठी माती टाकण्यात येत आहे. मात्र मुंबईकडे जाणाऱ्या वाहनांचा खोळंबा झाल्याने वाहतूक संथ गतीने सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.