उर्से, ता. १८ : नगर रचना योजना (टीपी स्कीम) आणि रिंगरोड योजना राबवताना शेतकऱ्यांची संमती घेऊनच प्रकल्प पुढे नेला जाईल, अशी भूमिका पुणे महानगर प्रदेश विकास प्राधिकरण (पीएमआरडीए) आयुक्त डॉ. योगेश म्हसे यांनी मांडली. तर, या दोन्ही प्रकल्पांना विरोध असल्याचा पवित्रा शेतकऱ्यांनी घेतला.
या दोन्ही प्रकल्पांबाबत ‘पीएमआरडीए’च्या कार्यालयात बैठकीचे आयोजन नुकतेच करण्यात आले. धामणे, गोडुंब्रे, दारूंब्रे, साळुंब्रे आणि सांगावडे या गावांत टीपी स्कीम राबविण्यास राज्य शासनाने मान्यता दिली आहे. यानंतर योजनेला विरोध करण्यासाठी बाधित शेतकऱ्यांच्या बैठका होत आहेत. सर्वच गावांतील शेतकऱ्यांनी विशेष ग्रामसभा घेत यास तीव्र विरोध असल्याचे सांगितले. शेतकऱ्यांचे म्हणणे ऐकण्यासाठी गुरुवारी (ता.१४ ) पुणे येथे बैठक झाली. बैठकीत धामणे, गोडुंब्रे, दारूंब्रे, साळुंब्रे आणि सांगावडे गावातील जवळपास अडीचशे बाधित शेतकरी उपस्थित होते. यावेळी दारूंब्रे येथील शेतकरी सूर्यकांत सोरटे, सांगावडे येथील शेतकरी पोपट राक्षे, साळुंब्रे येथील भारत आगळे, नेरे येथील शेतकरी अनिल जाधव यांनीही प्रतिक्रिया व्यक्त करत या दोन्ही प्रकल्पांना विरोध केला.
माझी सर्व जमीन, घर प्रकल्पात जात आहे. सदर जमिनीलगत व्यावसायिक बिल्डरांचे क्षेत्र न घेता शेतकऱ्यांच्याच जमिनी का घेता? या योजनाला तीव्र विरोध आहे.
- अतुल गराडे, गोडुंब्रे
टीपी स्कीममध्ये सव्वापाच एकर जमीन जात असल्याने आमचा या योजनेला विरोध आहे. शेतकरी हितासाठी काय असेल, तर त्याचे आम्ही स्वागतच करू.
- किशोर सावंत, गोडुंब्रे
BBD25B03345
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.