ऊर्से, ता. २६ : ‘जय जवान, जय किसान’ शेतकरी राजा ग्रुपच्या संकल्पनेतून झाडे वाटपाचा कार्यक्रम द्रुतगती महामार्गाजवळ उत्साहात झाला. यावेळी गावातील शेतकरी बांधवांना आंब्याची रोपे वाटप करण्यात आली.
यावेळी  शेतकऱ्यांना सेंद्रिय खते, सेंद्रिय शेती नियोजनबद्ध करून आपले उत्पन्न कसे वाढवावे?, वृक्षाचे आपल्या जीवनातील महत्त्व याविषयी कोकण प्रांत अध्यक्ष सचिन पालांडे, सेंद्रिय शेती कृषी तज्ज्ञ विकास देशमुख यांनी माहिती दिली. याप्रसंगी भारतीय किसान संघाचे अध्यक्ष विश्वनाथ शेलार, देवराई संस्थेचे संस्थापक सुकन बाफना, माजी सभापती संतोष कुंभार, राजाराम आसवले, संतोष येवले, शंकर गायकवाड, गुलाब घारे, खंडू धामणकर, बाळासाहेब पिसाळ, शंकर खेंगले, बाळासाहेब मापारी आदी शेतकरी उपस्थित होते. सुभाष धामणकर यांनी आयोजन केले तर आभार गणपत पवार यांनी मानले.