भोसरी, ता. २१ : स्वरांजली कला क्रीडा मंचद्वारे तथागत गौतम बुद्ध आणि विश्वरत्न डॉ. बाबासाहेब आंबेडकर यांच्या संयुक्त जयंतीनिमित्त संत तुकारामनगरातील दिघी रस्त्यावरील डॉ. बाबासाहेब आंबेडकर उद्यानात ‘वंदन महामानवांना’ हा भीम गीतांचा कार्यक्रम गुरुवारी (ता. २३) सायंकाळी सहा वाजता आयोजित केला आहे. या कार्यक्रमाचे सूत्रसंचालन डॉ. सत्यजित कोसंबी करणार आहेत. तर गायक कुणाल वराळे, श्रावणी महाजन, शिरीष पवार आदी बुद्ध-भीमगीते सादर करणार आहेत. यावेळी आदर्श माता आणि युवा उद्योजक पुरस्काराचे वितरणही होणार आहे. नागरिकांनी या कार्यक्रमाला बहुसंख्येने उपस्थित राहण्याचे आवाहन मंचाचे संस्थापक प्रकाश डोळस, अध्यक्ष सिद्धार्थ पवार, महिलाध्यक्षा पुष्पा नाखले यांनी केले आहे.