भोसरी, ता. १६ : भोसरी, दिघी, इंद्रायणीनगर परिसरात देशाचा ७९ वा स्वातंत्र्य दिन वृक्षारोपण, देशभक्तिपर गीते, खाऊ वाटप आदी विविध कार्यक्रमांनी उत्साहात साजरा करण्यात आला.
भोसरीतील लांडेवाडीतील राजमाता जिजाऊ शिक्षण प्रसारक मंडळाच्या कला, वाणिज्य व विज्ञान महाविद्यालयात न्यायाधीश संजय जगदाळे, न्यायाधीश जयश्री जगदाळे यांनी ध्वजवंदन केले. यावेळी संस्थेचे विश्वस्त विक्रांत लांडे, प्राचार्य डॉ. के. जी. कानडे, उपप्राचार्य प्रा. किरण चौधरी, रजिस्ट्रार अश्विनी चव्हाण आदी उपस्थित होते. विद्यार्थ्यांनी देशभक्तिपर गीते व नृत्ये सादर केली.
भोसरी येथील ज्ञानसागर विद्यामंदिर शाळेत मेजर रामचंद्र यादव यांनी ध्वजवंदन केले. यावेळी माजी नगरसेविका अनुराधा गोफणे, प्रियांका बोरसे, कविता भोंगाळे, अमर फुगे, राहुल गवळी आदी उपस्थित होते.
सिद्धेश्वर हायस्कूलमध्ये भोसरी पोलिस ठाण्याच्या पोलिस कर्मचारी मयुरी शिंगटे यांनी ध्वजवंदन केले. यावेळी प्राचार्या नीतू अरोरा, शिक्षिका अंजली गाढवे, विक्रम मोरे, के. बी. पाटील यांनी स्वातंत्र्याची महती सांगितली. ज्योती विश्वकर्मा यांनी सूत्रसंचालन केले. भावना भालेराव यांनी आभार मानले.
भोसरीतील भोजापूर पीपी इंटरनॅशनल स्कूलमध्ये सेवानिवृत्त वायुसेना अधिकारी नामदेव हुले, संस्थेचे संस्थापक अशोक लांडे, अभिनेत्री अंकिता लांडे यांनी ध्वजवंदन केले. प्राचार्य आत्माराम मोरे, शिल्पा नवाले यांनी स्वातंत्र्याची महती सांगितली. यावेळी सतीशचंद्र जकाते उपस्थित होते. प्रीतम चिपाडे यांनी आभार मानले.
भोसरीतील बालाजीनगरातील तथागत बुद्ध विहारात समता सैनिक दलाचे वैजनाथ येडे यांनी ध्वजवंदन केले. यावेळी लघुउद्योजक धम्मदीप लगाडे, विहाराचे अध्यक्ष अविनाश भालेराव, पंजाबराव कटके, बलराज कटके उपस्थित होते.
इंद्रायणीनगरातील आदर्श समाज विकास संघाच्या धम्मनिनाद बुद्धविहारात संघाचे उपाध्यक्ष मुरलीधर गणवीर, विजय भालेराव यांनी ध्वजवंदन केले. यावेळी धम्मचारी रुताईन, ज्ञानेश्वर दांडगे, भाऊसाहेब डोळस यांनी शुभेच्छा दिल्या.
दिघीतील महापालिकेच्या छत्रपती शाहू महाराज मुले आणि मुलींच्या शाळेत स्वातंत्र्य सैनिक रामराव झावरे यांनी ध्वजवंदन केले. यावेळी माजी नगरसेविका निर्मला गायकवाड, विकास डोळस, चंद्रकांत वाळके, दत्तात्रेय गायकवाड, संजय गायकवाड, सुनीता डोळस, मुख्याध्यापक सुनंदा शिंदे आदी उपस्थित होते.
दिघीतील नवजीवन शिक्षण संस्थेच्या रामचंद्र गायकवाड प्राथमिक, माध्यमिक विद्यालय व ज्युनिअर कॉलेजमध्ये माजी नगरसेविका निर्मला गायकवाड, नवजीवन शिक्षण संस्थेच्या संचालिका सुनीता डोळस, प्राथमिक विद्यालयाच्या विद्यालयाच्या व्यवस्थापिका अश्विनी गायकवाड व धनश्री गायकवाड यांनी भारतमातेच्या प्रतिमेचे पूजन केले. सैन्यातील माजी कॅप्टन शिवाजीराव गरुड यांनी ध्वजवंदन केले. यावेळी राष्ट्रीय बॉक्सिंग खेळाडू राम रजक, कॅप्टन दुक बहादूर थापा आदींचा सत्कार झाला. संस्थेचे संस्थापक दत्तात्रय गायकवाड, विनायक वाळके, रवींद्र गायकवाड, मुख्याध्यापक विनोद वाळके, सामाजिक कार्यकर्ते संजय गायकवाड, मनोज गायकवाड, उदय गायकवाड आदींसह विद्यार्थी, नागरिक उपस्थित होते.
दिघीतील विक्रमशिला प्रबोधिनीत व्याख्याते संजय बेंडे यांनी ध्वजवंदन केले. यावेळी व्याख्याते बेंडे यांचे भारतीय स्वातंत्र्य आणि डॉ. बाबासाहेब आंबेडकर : समज-गैरसमज या विषयावर व्याख्यान झाले. प्रशांत जगताप, गोरनाथ वाघमारे, रोशन गडलिंग, भागवत चन्ने, समाधान मोरे, दादाराव वानखेडे, विनायक वाघमारे, अरुण गायकवाड, विनोद काळे आदींनी शुभेच्छा दिल्या. यावेळी बाबुराव खंडारे, अनिल गायकवाड, गणेश कापुरे, भारत कुंभारे आदींचा सामाजिक कार्याबद्दल सत्कार करण्यात आला. प्रवीण पुणेकर यांनी सूत्रसंचालन केले.
दिघीतील कै. तानाजी सोपानराव वाळके व सुजाता एकनाथराव वाळके प्रतिष्ठानद्वारे स्वातंत्र्य दिन साजरा करण्यात आला. यावेळी सामाजिक कार्यकर्ते संतोष तानाजी वाळके, कृष्णा वाळके, रामदास परांडे, रमेश नरवडे, रघुनाथ पवार, अभिषेक जोशी यांच्यासह दिघी आरोग्य विभागातील कर्मचारी, कामगार, विद्यार्थी आणि ग्रामस्थ उपस्थित होते.
दिघीतील पंचशील बुद्ध विहारात भारतरत्न मित्रमंडळाद्वारे आयोजित कार्यक्रमात हरिभाऊ खरात, प्रभाकर सरोदे यांनी ध्वजवंदन केले. संजय वानखडे, सुखदेव बागुल, सुरेंद्र वानखेडे, अश्विनी कांबळे, सुधाकर मोरे आदींनी शुभेच्छा दिल्या. यावेळी राजेंद्र गायकवाड, पांडुरंग ताजणे, अरुण कांबळे, तेजराव डोंगरे आदी उपस्थित होते. समाधान कांबळे यांनी सूत्रसंचालन केले. तर संदीप सोनवणे यांनी

आभार मानले.