चिंचवड, ता.१० ः शूरवीर जिवाजी महाले सोशल फाउंडेशन यांच्यावतीने ज्येष्ठ अभिनेते सुनील गोडबोले यांना
शूरवीर जिवाजी महाले समाज भूषण पुरस्कार देऊन नुकतेच गौरविण्यात आले. यानिमित्त राज्यस्तरीय फॅशन-सांस्कृतिक स्पर्धेचेही आयोजन करण्यात आले. पिंपरी येथील आचार्य अत्रे रंगमंदिरात हा कार्यक्रम झाला. या कार्यक्रमाला ओबीसी नेते लक्ष्मण हाके, आमदार उमा खापरे, सदाशिव खाडे यांच्यासह अनेक मान्यवर उपस्थित होते. आनंद पिंपळकर (सामाजिक सेवा), ज्योती विद्या (वास्तुतज्ज्ञ), रामदास सूर्यवंशी, मिलिंद एकबोटे (सामाजिक कार्यकर्ता), रेखा निर्भय कुरुबंशी (समाजसेवा) आदी पुरस्कारांचेही वितरण झाले. जिवाजी महाले स्मारक समितीचे सचिव गणेश वाळुंजकर गिरी राजूरकर आणि सागर गायकवाड यांनी संयोजन केले. सागर गायकवाड यांनी प्रास्ताविक केले.
CWD25A00798