जाधववाडी, ता. २७ ः शिवरस्ता येथील जेकेपी सोसायटी येथे संविधान दिन साजरा करण्यात आला. ज्येष्ठ सदस्यांच्या हस्ते छत्रपती शिवाजी महाराज, महात्मा जोतिराव फुले व डॉ. बाबासाहेब आंबेडकर यांच्या प्रतिमेस पुष्पहार अर्पण करून दीपप्रज्वलन करण्यात आले. रायभान गजभिये यांनी कार्यक्रमाचे महत्त्व विशद केले. संविधानाच्या प्रास्ताविकेचे सामुदायिक वाचन करून बाबासाहेबांना अभिवादन करण्यात आले. प्रमुख वक्ते शिवदास वानखेडे, मिलिंद रामटेके, विजय नवगिरे यांनी भाषणात संविधान समजावून सांगितले. अध्यक्षीय भाषणात संजीवन सांगळे यांनी संविधानाचे महत्त्व सांगितले. याप्रसंगी अनिल दिवेकर, बाळासाहेब पाटील, तुळशीराम बोराडे, उत्तरेश्वर तोडकर, राजेंद्र महामुने, रामचंद्र पंदरकर, सखाराम पाटील, रोहिदास पाटील, सुभाष कुलकर्णी, नारायण बोरसे, प्रल्हाद पाटील, चंद्रकांत कुंभार, सुरेश घुले, आदी उपस्थित होते. तुळशीराम नंद व परमेश्वर गोरे यांनी कार्यक्रम यशस्वितेसाठी प्रयत्न केले. रवींद्र आंबेकर यांनी आभार मानले. राष्ट्रगीताने कार्यक्रमाची सांगता झाली.