लोणावळा, ता. ११ : लायन्स क्लब ऑफ लोणावळा-खंडाळाच्या अध्यक्षपदी लायन कांता ओसवाल यांची निवड झाली आहे. २०२५-२६ साठी नवीन पदाधिकाऱ्यांचा हॉटेल चंद्रलोक येथे शपथविधी पार पडला. यावेळी कांता ओसवाल यांच्या अध्यक्षतेखाली निराली नालेकर (सचिव) आणि लायन अश्विनी कदम (खजिनदार) यांची निवड करण्यात आली. लायन्सचे आंतरराष्ट्रीय संचालक जितेंद्र मेहता यांच्या हस्ते व फर्स्ट व्हाइस डिस्ट्रीक्ट गव्हर्नर श्रेयस दीक्षित, झोन चेअरमन लायन देवल पारेख, डॉ. पोपट ओसवाल, देवेन्द्र नालेकर, अभय जैन, ॲड. प्रफुल लुंकड, अमित लुणावत, विरेंद्र पारेख, विरल गाला, जुबेर शामशी, प्रकाश जैन, आशिष पॉन, मनोज लुंकड यांच्या उपस्थितीत पदग्रहण सोहळा पार पडला. येथील मनशक्ती प्रयोग केंद्र, सीझफायर फाउंडेशन लायन्स सद्भावना पुरस्कार देत सन्मानित करण्यात आले. दीपाली गाला या लायन ऑफ द इअर ठरल्या. निराली नालेकर यांनी सूत्रसंचालन केले. डॉ. दिलीप सुराणा यांनी आभार मानले.