मोशी, ता. ८ : मोशीतील राजा शिवछत्रपती चौकात वाहतूक कोंडीची समस्या नेहमीचीच आहे. ही समस्या सोडविण्यासाठी वाहतूक पोलिसांनी स्पाईन रस्ता ते वडमुखवाडी, गंधर्वनगरी ते राजा शिवछत्रपती चौक, केंद्रीय विहार आणि संतनगर चौक ते राजा शिवछत्रपती चौकापर्यंत एकेरी वाहतूक केलेली आहे. तरीही काही स्थानिक वाहनचालक पोलिस आणि या नियोजनाला न जुमानता वाहतूक कोंडीचे कारण ठरत आहेत. वडमुखवाडीकडे जा‍णाऱ्या रस्त्यावर विशेषतः ही कोंडी जाणवली.

काही प्रमुख कारणे
- सेवा रस्त्यावर पथारीवाले, रिक्षाचालकांचे अतिक्रमण
- रस्त्याच्या कडेला तसेच इतर ठिकाणी वाहने बेशिस्तपणे उभी
- वडमुखवाडीकडे जाणाऱ्या रस्त्याची रुंदी कमी

समस्येवरील उपाय
- रस्त्यावरील आणि चौकातील अतिक्रमणे त्वरित हटविणे आवश्यक
- बेशिस्तपणे वाहने उभी करणाऱ्या चालकांवर कारवाई करणे
- पर्यायी मार्गांचा विकास, वाहतूक पोलिसांच्या संख्येत वाढ

राजा शिवछत्रपती चौकात वाहतूक नियंत्रक दिव्यांचे नियम पाळले जात नाहीत. पोलिस असूनही आदी कारणांनी नेहमीच वाहतूक कोंडी होते. बेशिस्तपणे वाहन चालविल्याने लोकांना अनेक अडचणी येतात. या समस्येवर लवकरात लवकर तोडगा काढणे आवश्यक आहे.
- शशिकांत गाडे, वाहनचालक, मोशी