पिंपरी, ता. १० : ‘‘बाइक टॅक्सीला पिंपरी चिंचवड परिसरात परवानगी देऊ नये. खुला रिक्षा परवाना बंद करावा, या मागण्या मांडत रिक्षा पंचायत संघटनेने बुधवारी (ता.१०) पिंपरी चिंचवड अपर तहसीलदार कार्यालयासमोर निदर्शने केली. यानंतर अपर तहसीलदार जयराज देशमुख यांना निवेदन देण्यात आले.
या वेळी हिरालाल लांडगे, काशिनाथ शेलार, अशोक मिरगे यांनी रिक्षाचालकांना आंदोलनाची माहिती दिली. ‘‘येत्या काळात रिक्षा पंचायतीचे अध्यक्ष डॉ. बाबा आढाव व सरचिटणीस नितीन पवार यांच्या नेतृत्वाखाली आंदोलन करण्यासाठी आम्ही तयार आहोत,’’ अशी भूमिका आंदोलकांनी मांडली. आंदोलनासाठी संजय जाधव, महादेव टोणपे, विशाल खराडे, परशुराम बंदपट्टे, संतोष खराडे, शंकर शेरखाने, अशोक कांबळे यांनी संयोजन केले.