पिंपरी, ता. १९ : आर्थिक दुर्बल घटकातील नागरिकांना हक्काचे घर उपलब्ध व्हावे, यासाठी पंतप्रधान नरेंद्र मोदी यांनी ‘पंतप्रधान आवास योजना’ हाती घेतली आहे. त्याअंतर्गत आकुर्डी, पिंपरी आणि डुडूळगाव येथे गृहप्रकल्प उभारले आहेत. आकुर्डी व पिंपरीतील काम पूर्ण झाले असून अनुक्रमे ३७० व ५६८ सदनिका तयार आहेत. डुडूळगाव प्रकल्पात एक हजार १९० सदनिका उपलब्ध होणार आहेत. त्यांची उभारणी सुरू आहे. त्यामुळे दोन हजार १२८ सद--निकांसाठी सोडत प्रक्रिया राबवून लाभार्थी निश्चित करावेत, अशी सूचना भाजप शहराध्यक्ष तथा आमदार महेश लांडगे यांनी महापालिका प्रशासक शेखर सिंह यांना केली आहे. यासाठी संगणक प्रणाली विकसित कराणे व लाभार्थींचे अर्ज मागवणे यासह अन्य कामकाजाचे नियोजन करण्याबाबत संबंधित विभागांना सांगावे, असेही त्यांनी सूचविले आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.