पिंपरी, ता. १८ : नवनाथ मित्रमंडळ श्री दत्तप्रतिष्ठान, कासारवाडी यांच्याद्वारे रायगडाची पवित्र माती शिवभक्तांच्या दर्शनासाठी आणण्यात आली. ही शिवज्योत रायगड किल्ल्यापासून कासारवाडीपर्यंत नेण्यात आली. शिवजयंतीनिमित्त हा उपक्रम राबवण्यात आला.
या प्रवासात रायगड ते पॉस्को कंपनी, ताम्हिणी घाट आणि हिंजवडीमार्गे कासारवाडी असा १४० किमीचा पल्ला दोन दिवसांत पूर्ण करण्यात आला. या उपक्रमात नवनाथ मित्र मंडळाचे अध्यक्ष राजेंद्र पठारे, अनिल शेळके, आनंद पवार, संजय दळवी, सतीश शेळके, प्रवीण शिंदे, अतुल दौंडकर, अजय शिंदे, अशोक पवार, सुनील दळवी, बाजीराव फुगे, हनुमंत काळाणे, अमित दौंडकर, अक्षय दळवी, श्रीकांत सुतार, मुकुंदा धोत्रे, आशिष लांडे, अनिकेत दळवी, अक्षय फुगे, प्रशांत सुतार, तुषार पठारे, यश शेळके यांनी शिवजन्मोत्सवाच्या आदल्या रात्री गावात शिवज्योत आणली. यानंतर शिवघोषणेसह कासारवाडी गावात तिची विधिपूर्वक पूजा करण्यात आली.