पिंपरी, ता. ८ ः दिव्यांग भवनच्या शिष्टमंडळाने नुकतीच संचेती हॉस्पिटलला भेट दिली. संचेती हॉस्पिटलमधील फिजिओथेरपी विभागाप्रमाणे सुविधा उपलब्ध करण्याचा निर्णय दिव्यांग भवनने घेतला आहे. त्यासाठी ही भेट देण्यात आली. शिष्टमंडळात फिजिओथेरपिस्ट डॉ. प्रियंका घुटे, प्रोस्थेटिस्ट व ओर्थोटिस्ट डॉ. योगेश झोडगे, ऑक्युपेशनल थेरपिस्ट डॉ. सुलक्षणा पेडणेकर, विशेष शिक्षिका अयोध्या शिंदे, अपंगांचे प्रतिनिधी राजेंद्र वाकचौरे, संगीता जोशी यांचा समावेश होता. संचेती हॉस्पिटलच्या या विभागात स्नायूंचा पुनर्विकास, सांधेदुखी, शस्त्रक्रियेनंतरच्या थेरपी आदी उपचारांचा समावेश आहे. याची माहिती शिष्टमंडळाने घेतली. आधुनिक वॉटर ट्रेडमिलच्या सुविधेचीही प्रतिनिधींनी घेतली. या भेटीदरम्यान विविध थेरपी सेवा, पुनर्वसनासाठी वापरण्यात येणारे अत्याधुनिक तंत्रज्ञान याची माहिती डॉ. माधुरी व डॉ. दर्शिता यांनी दिली.
-----