पिंपरी, ता. २० ः पदवी आणि पदव्युत्तर शिक्षणानंतर प्रशिक्षण आणि प्लेसमेंटच्या संधी कुठे आहेत ? दहावी-बारावीनंतर करिअरच्या संधी कोणत्या आहेत ? विविध अभ्यासक्रमांसाठी केंद्रीकृत प्रवेश प्रक्रिया, त्याविषयी विद्यार्थी आणि पालकांना अनेक शंका, प्रश्‍न भेडसावतात. त्यांचे उत्तर देण्यासाठी ‘सकाळ विद्या’ आणि पिंपरी-चिंचवड एज्युकेशन ट्रस्ट (पीसीईटी) व पिंपरी-चिंचवड विद्यापीठ यांच्यातर्फे रविवारी (ता. २९) विनामूल्य चर्चासत्राचे आयोजन केले आहे.
आकुर्डी प्राधिकरणातील पीसीईटीच्या सभागृहात सकाळी दहा वाजता चर्चासत्र होणार आहे. यात सीईटी, जेईई (मेन्स), जेईई (ॲडव्हान्स) अशा परीक्षांसह विविध अभ्यासक्रम व प्लेसमेंटच्या संधींबाबत मार्गदर्शन केले जाणार आहे. बऱ्याचदा गुणवत्ता असूनही केवळ योग्य मार्गदर्शनाचा अभाव, चुकीचे अभ्यासतंत्र व नियोजन यामुळे वर्षभर अभ्यास करूनही विद्यार्थ्यांनी हवे तसे यश मिळत नाही. यानुसार, अभ्यासाचे तंत्र व योग्य गुरुंचे मार्गदर्शन मिळणे गरजेचे आहे. त्यासाठीच्या सीईटी, नीट, जेईई यासारख्या राष्ट्रीय पातळीवरील प्रवेश परीक्षांचा पाया कसा भक्कम करता येईल ? आणि अवघड वाटणाऱ्या परीक्षांवर प्रभुत्व कसे मिळवता येईल ? यासाठी योग्य मार्गदर्शन आवश्यक असते. विद्यार्थ्याला विषयातील मूलभूत संकल्पना स्पष्ट असतील. तरच अवघड अभ्यास सोपा होतो. पाठांतरापेक्षा संकल्पना समजून घेण्यावर भर दिला पाहिजे, याबाबत विवेक वेलणकर, डॉ. सुदीप थेपडे, डॉ. शीतलकुमार रवंदळे मार्गदर्शन करणार आहेत.

चर्चासत्रात काय ?
- विविध शैक्षणिक अभ्यासक्रमांची माहिती
- पदवी आणि पदव्युत्तर शिक्षणाच्या संधी
- रोजगार आणि करिअर मार्गदर्शन
- शैक्षणिक तज्ज्ञ विवेक वेलणकर, डॉ. सुदीप थेपडे, डॉ. शीतलकुमार रवंदळे यांच्याशी संवाद साधण्याची संधी

काय?, कुठे? कधी? केव्हा? कसे?...
काय? ः शैक्षणिक व करिअर चर्चासत्र
कुठे? ः पीसीईटी सभागृह, आकुर्डी प्राधिकरण
कधी? ः रविवार, २९ जून २०२५
केव्हा? ः सकाळी १० वाजता
कसे? ः विनामूल्य
अधिक माहितीसाठी संपर्क ः सचिन - ९७३०९५९६९९