सोमाटणे, ता. ९ : सोमाटणे फाटा चौकात नेहमीच वाहतूक कोंडी होते. तेथे बहुतांश वेळा पोलिसही उपस्थित नसतात. त्यामुळे कोंडी झाल्यावर आता स्थानिक रिक्षाचालक रस्त्यावर उतरून वाहतूक नियंत्रण करत आहेत.
वाढलेली वाहन संख्या, अरुंद महामार्ग, अतिक्रमणे, एकत्र आलेले चार मार्ग आदी कारणांनी सोमाटणे टोलनाका ते
सोमाटणे चौक मार्गाावर मोठी कोंडी होते. वाहतूक कोंडी सोडवण्यासाठी दिवसभर वाहतूक पोलिस असणे गरजेचे असताना ते ठराविक वेळेतच हजर असतात, अशी तक्रार आहे. यामुळे अनेक वाहनचालक मिळेल त्या दिशेने वाहतुकीची शिस्त मोडतात. यामुळे वाहतूक कोंडीत आणखी भर पडते. ही वाहतूक कोंडी कमी करण्यासाठी सोमाटणे येथील काही रिक्षावाले काका व्यवसाय सोडून स्वतः रस्त्यामध्ये थांबून वाहतूक पोलिसांचे काम करत आहेत. प्रामुख्याने वाहने रांगेत सोडणे, चौकात वाहनांना थांबू न देणे, वाहनचालकांना शिस्त लावणे अशी कामे करत आहेत. त्यांच्या या मदत आणि उपक्रमाचे कौतुक होत आहे.

Smt8Sf1.