पुणे, ता. १४ ः ‘केटूएस - कात्रज ते सिंहगड मॉन्सून अ‍ॅडव्हेंचर रेस २.०’ स्पर्धेच्या नोंदणीसाठी मंगळवार (ता. १५) हा शेवटचा दिवस आहे.
लाइफफिट अरेना यांच्यातर्फे २६ जुलैला ही स्पर्धा होणार असून, यासाठी आतापर्यंत ३५० हून अधिक स्पर्धकांनी नोंदणी केली आहे. ही स्पर्धा कात्रज घाटापासून सुरू होऊन सिंहगड किल्ल्याच्या शिखरावर संपणार आहे. निसर्गरम्य पावसाळी वाटा, चढ-उतारांची चाचणी आणि आत्मबळाची परीक्षा असा सर्वांगिण अनुभव देणारी ही मोहीम पुण्याच्या अ‍ॅडव्हेंचर स्पोर्ट्स क्षेत्रात एक महत्त्वाची स्पर्धा आहे.
स्पर्धेचे संचालक आणि लाइफफिट अरेनाचे संस्थापक महेंद्र लोकारे म्हणाले, ‘‘केटूएस ही फक्त स्पर्धा नाही तर स्वतःच्या मर्यादांना ओलांडण्याची आणि निसर्गाच्या कुशीत स्वतःला शोधण्याची संधी आहे. गेल्यावर्षीच्या यशानंतर यावर्षी देखील स्पर्धेला उत्साहवर्धक प्रतिसाद मिळाला असून, सहभागींसाठी हा अनुभव निश्चितच अविस्मरणीय ठरेल.’’
स्पर्धेत भाग घेण्यासाठी ‘टाऊनस्क्रिप्ट’ या प्लॅटफॉर्मचा वापर करा किंवा बातमीसोबत दिलेला क्यूआर कोड स्कॅन करा. तसेच नोंदणी करताना ‘SAKAL20’ हा प्रोमो कोड वापरल्यास २० टक्के सवलत मिळणार आहे.
------------------
फोटो ः 31388