पिंपरी, ता. १४ ः राज्यभरातील हॉटेल आणि रेस्टॉरंट चालक मालकांनी विविध मागण्यासांठी सोमवारी (ता. १४) पुकारलेल्या संपात पिंपरी-चिंचवडमध्ये संमिश्र प्रतिसाद मिळाला. अनेक हॉटेल व रेस्टॉरंट चालक तसेच मालकांनी सहभाग घेतला.शहरातील अनेक हॉटेल व्यावसायिकांनी प्रथमच २४ तास बंद पाळला. या बंदला पिंपरी-चिंचवड हॉटेल-रेस्टॉरंट संघटनेने पाठिंबा दर्शविला होता. पिंपरी-चिंचवडशिवाय निगडी, नाशिक फाटा, कासारवाडी, सांगवी, भोसरी आदी भागांतील व्यावसायिकांनी बंद पाळला. पिंपरी कॅम्पमधील काही व्यावसायिकांना पूर्वकल्पना नसल्यामुळे त्यांनी हॉटेल सुरु केली होती. पण संघटनेच्या पदाधिकाऱ्यांनी विनंती केल्यानंतर त्यांनी हॉटेल बंद केली.
---------
पिंपरी-चिंचवड शहरातील अनेक व्यावसायिक आपले हॉटेल आणि रेस्टॉरंट बंद ठेवून संपात सहभागी झाले. शहरात बंदला प्रथमच एवढा चांगला प्रतिसाद मिळाला. सरकारने आमच्या मागण्या मान्य केल्या नाही तर यापुढे आणखी तीव्र आंदोलन करण्यात येईल.
- गणेश कुदळे, अध्यक्ष - पिंपरी-चिंचवड हॉटेल आणि रेस्टॉरंट असोसिएशन

------------