पिंपरी, ता. १८ ः भोसरीतील संत साई इंग्लिश मीडियम शाळेच्या प्रांगणात श्री गणेश पूजन, अग्निदेवता पूजन, विष्णुदेवता पूजन, मन:शक्ती प्रणीत ''होमहवन'' धार्मिक, पारंपरिक पद्धतीने उत्साहात झाले. सुस्पष्ट मंत्रोच्चारामुळे यावेळी वातावरणात चैतन्य निर्माण झाले होते.
या यज्ञाचे आयोजन शाळेचे संस्थापक व मुख्याध्यापक शिवलिंग ढवळेश्वर यांनी केले. ते म्हणाले की, आपल्या गुरूची आज्ञा पाळणे हीच तपश्चर्या समजावी. गुरू म्हणजे साक्षात परमात्मा असतो.
जीवनात ५0 टक्के आध्यात्मिक संस्कारांची शिदोरी आणि ५० टक्के परिश्रम असतील तर यश सुलभ होऊ शकते. रोज दिवसाची सुरवात आपले माता, पिता, गुरू, यांच्या दर्शनाने केली की संस्कारक्षम जीवनचरित्र तयार होते.
यावेळी हावीच्या विद्यार्थ्यांसाठी निश्चयपाठ घेण्यात आला. उपक्रमात मुख्याध्यापिका सुनीता ढवळेश्वर, संचालिका पायल ढवळेश्वर यांचा पुढाकार होता. या उपक्रमासाठी शिक्षिका मालन लिगाडे, भारती ढवळेश्वर, आरती मुट्टगीशेत्तर, संगीता पाटील, अक्षय राणे यांनी परिश्रम घेतले.
-----