तळेगाव स्टेशन, ता. २३ : ‘‘गणेशोत्सव, दहिहंडी काळात डीजे, डॉल्बी आणि लेजर विद्युतरोषणाई बंदीचा पोलिसांचा निर्णय योग्य आहे. सर्व नियम पाळून हे उत्सव साजरे करू,’’ असा निर्धार मंडळांनी तळेगाव एमआयडीसी पोलिस ठाण्यात झालेल्या बैठकीत केला.
तळेगाव एमआयडीसी पोलिस ठाण्यात गणेश मंडळांच्या पदाधिकाऱ्यांसह तंटामुक्ती अध्यक्ष शांताराम नरवडे, शांतता कमिटीचे सदस्य दिनकर शेटे, सुधवडीचे पोलिस पाटील प्रशांत वाळूजकर, पोलिस पाटील सपना घोजगे, शीतल चव्हाण, नीता बधाले, सीमा जाधव, दक्षता कमिटी सदस्य ललिता कोतुळकर, विद्या काशिद, पुष्पा घोजगे आदी उपस्थित होते.
वरिष्ठ पोलिस निरीक्षक रणजित जाधव म्हणाले, ‘‘लहान मुले, गर्भवती, ज्येष्ठ नागरिक, रुग्ण तसेच पशुपक्षांना होणारा त्रास करण्यासाठी आवाजावर नियंत्रण गरजेचे आहे. रेडिएशनची विद्युत रोषणाई अपायकारक ठरत आहे. ते टाळण्यासाठी गणरायाचे आगमन आणि विसर्जन मिरवुकीत डीजेचा वापर पूर्ण बंद करण्यात आला आहे. मंडळांनी त्याला प्रतिसाद द्यावा.’
शेटे म्हणाले, ‘‘गणेशोत्सव मंडळांनी सामाजिक आणि आरोग्याच्या दृष्टीने पोलिसांनी घालून दिलेल्या नियमांचे पालन करावे. मागील वर्षी डीजेच्या घातक परिणाम आपण अनुभवले आहेत. सर्व मंडळांनी नियम पाळावेत.’’
वाळूंजकर म्हणाले, ‘‘पोलिस पाटील या नात्याने सार्वजनिक मंडळे आणि पोलिस यंत्रणा यांच्यात समन्वय साधून सहकार्याची भूमिका पार पाडेल.’’
विद्या काशीद म्हणाल्या, ‘‘समाजहितासाठी निरनिराळ्या संकल्पना राबवून गणेशोत्सवाचा आनंद द्विगुणित करण्यासाठी मंडळांनी पुढाकार घ्यावा. डीजे बंदीचा प्रशासनाचा निर्णय निश्चित स्वागतार्ह आहे.’’
PNE25V33817
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.