मावळच्या विकासासाठी
पर्यटनाला चालना हवी

तळेगाव-चाकण रस्त्याची दुरवस्था, टोल नाक्यांवर मनमानी वसुली, वडिवळे धरणाच्या कालव्यांची गळती, इंद्रायणी बियाणांचा तुटवडा, पीएमआरडीए क्षेत्रातील नियमबाह्य गृहप्रकल्प, आंदर मावळातील वीज समस्या, देहूरोड कॅन्टोन्मेंट बोर्डाच्या रेडझोन हद्द आदी प्रलंबित प्रश्‍न तातडीने सोडविण्याची आवश्यकता आहे.
- वरसोली व सोमाटणे टोलनाक्यांवर मनमानी टोलवसुली थांबावी, वाहतूक कोंडी सुटावी, महामार्गाच्या दुरवस्थेकडे रस्ते विकास महामंडळाचे दुर्लक्ष
- वडिवळे धरणाच्या डाव्या व उजव्या कालव्यांच्या गळतीमुळे धरणातील पाण्याचा शेतीला लाभ होत नाही, तो होण्यासाठी कालव्याऐवजी बंद जलवाहिनी असावी
- आंदर मावळातील ३५ ते ४० गावातील वीज समस्या दूर करण्यासाठी वडेश्वर येथील सबस्टेशनचे काम तातडीने मार्गी लावावे
- रोजगार हमी योजनेची प्रभावी अंमलबजावणी व योजनेला गती मिळावी
- वडगाव फाटा, वडगाव- तळेगाव फाटा, आयबीपी पेट्रोल पंप (सीआरपीएफजवळ), सोमाटणे फाटा, देहूरोड फाटा, लोणावळा, कामशेत येथील कोंडी सुटावी
- ग्रामीण भागातील रस्ते, वीज, आठवडे बाजार, पर्यटन स्थळांवरील अपुऱ्या सुविधा, गड-किल्ल्यांच्या संवर्धनासाठी ठोस उपाययोजना हव्यात
--