पिंपरी, ता. ३० : पुनावळे येथील काटे वस्ती चौकाजवळ भरधाव ट्रकच्या धडकेत दुचाकीस्वार महिलेला जागीच मृत्यू झाला. बुधवारी (ता. ३०) दुपारी अडीच वाजण्याच्या सुमारास ही दुर्घटना घडली. समीना तय्यब इम्नत (वय ३० वर्षे, रा. सोमानी ड्रीम होम, गायकवाड नगर, पुनावळे) असे मृत महिलेचे नाव आहे. त्या केसरगंज रेस्टॉरंट, इको पोलिटन येथून घरी जात होत्या. काटे वस्ती चौक ते काटे वस्ती कॉर्नर दरम्यानच्या रस्त्यावर चालकाने ट्रक अचानक उजव्या बाजूला घेतला. त्यामुळे समीना यांच्या दुचाकीला धक्का बसला. त्या रस्त्यावर पडून ट्रकच्या मागील चाकाखाली चिरडल्या गेल्या. त्यांना तातडीने वायसीएम रुग्णालयात नेण्यात आले, मात्र डॉक्टरांनी त्यांना मृत घोषित केले. पोलिसांनी अज्ञात ट्रकचालकावर गुन्हा दाखल केला आहे.
...