पिंपरी, ता.६ ः पीसीएमसीज व्हेरॉक-वेंगसरकर क्रिकेट अकादमीच्यावतीने थेरगाव येथे १४ ते २२ एप्रिलपर्यंत २०२६-२७ या हंगामाकरिता निवड चाचणीचे आयोजन करण्यात आले आहे. इच्छुक खेळाडूंनी सफेद क्रिकेट गणवेश, क्रिकेट साहित्य, जन्मतारखेचा मूळ दाखला आणि आधारकार्डासह उपस्थित राहावे, असे आवाहन अकादमीने केले आहे.
अकादमीच्या थेरगाव येथील मैदानावर ही निवड चाचणी होईल. मुलांच्या २३ वर्षांखालील गटासाठी १४ एप्रिल रोजी तर १९ वर्षांखालील मुलांसाठी १५ एप्रिल रोजी दुपारी १.३० ते ६ यावेळेत निवड चाचणी होईल. याशिवाय, १६ वर्षांखालील मुलांसाठी १६ एप्रिल रोजी दुपारी २ ते ६ वाजेपर्यंत तसेच १४ वर्षांखालील मुलांसाठी १७ एप्रिल रोजी दुपारी १.३० ते ६ यावेळेत निवड होईल. मुलांच्या १२ वर्षांखालील गटासाठी २१ एप्रिल रोजी त्याचप्रमाणे मुलींच्या १५ ते १९ वर्षे गटासाठी २२ एप्रिल रोजी दुपारी १.३० ते ६ वाजेपर्यंत निवड चाचणी घेतली जाईल.