पवनानगर/तळेगाव दाभाडे, ता. २२ : पवनमावळ परिसरातील कोथुर्णे पूल वाहतुकीसाठी धोकादायक असल्याचे निष्पन्न झाले आहे. सार्वजनिक बांधकाम विभागाने याचे परीक्षण केले होते. त्यानंतर हा निर्णय घेण्यात आला आहे.
जिल्ह्यातील धोकादायक पुलांचे स्ट्रक्चरल ऑडिट करण्याचे आदेश विभागीय आयुक्त आणि जिल्हाधिकारी यांनी कुंडमळा येथील दुर्घटनेनंतर दिले होते. दरम्यान, तीन दिवसांपूर्वी झालेल्या मुसळधार पावसामुळे पवना धरणातून मोठ्या प्रमाणात विसर्ग करण्यात आला. त्यावेळी कोथुर्णे पूल पाण्याखाली गेला होता. पाणी ओसरल्यानंतर वाहतूक सुरू झाली होती. मात्र, कोणतीही दुर्घटना घडू नये, यासाठी बांधकाम विभागाने खबरदारीचा उपाय म्हणून हा पूल आता बंद केला आहे. दरम्यान, याबाबतचा फलकही ग्रामपंचायतीने पुलाच्या दोन्ही बाजूस लावला आहे.
कुंडमळा येथील दुर्घटनेनंतर कोथुर्णे पुलाचे स्ट्रक्चरल ऑडिट करण्यात आले होते. यात तो धोकादायक असल्याचा अहवाल मिळाल्याने वाहतुकीसाठी पूल बंद करण्यात आला आहे.
- संजय पाटील, उपविभागीय अभियंता
PVN25B02296
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.