वडगाव मावळ, ता. ३ : केशवनगर भागातील गोपाळ नवजीवन केंद्राच्या कै. गोपाळराव देशपांडे वनवासी विद्यार्थी वसतिगृहात सन २०२३-२४ या शैक्षणिक वर्षासाठी इयत्ता पाचवी ते इयत्ता आठवी पर्यंतच्या मुलांना प्रवेश देण्याची प्रक्रिया सुरू झाली आहे, अशी माहिती केंद्राचे कार्यवाह दिलीप देशपांडे व वसतिगृहाचे अधीक्षक सोमनाथ वैद्य यांनी दिली. प्रवेशात अनुसूचित जाती, अनुसूचित जमाती, इतर मागास वर्ग व आर्थिक दृष्ट्या दुर्बल घटकातील मुलांना प्राधान्य दिले जाईल. प्रवेश अर्ज वसतिगृह कार्यालयात उपलब्ध असून इच्छुकांनी अधिक माहितीसाठी ९९२३०५६४१९ अथवा ७४९९०१७७५१ या क्रमांकाशी संपर्क साधावा असे आवाहन वैद्य यांनी केले आहे.