वाकड, ता. ७ : येथील मॉन्टवर्ट सेव्हिल गृहनिर्माण सोसायटीत ऑलिपिंक २०२५'' या खेळांच्या महाकुंभाचा उद्‍घाटन सोहळा नुकताच पार पडला. या सोहळ्याचे उद्‍घाटन आयर्नमॅन ओंकार जोकर यांच्या हस्ते झाले.
यावेळी गृहनिर्माण संस्थेचे अध्यक्ष आयर्नमॅन पांडुरंग बोडके यांनी जोकर यांचे शाल आणि श्रीफळ देऊन स्वागत केले. या ऑलिंपिकमध्ये लहान मुलांपासून मोठ्यांपर्यंत साडेतीनशेहून अधिक रहिवासी १६ प्रकारच्या खेळांमध्ये पुढील तीन आठवडे सहभागी होणार आहेत.
ओंकार जोकर यांनी आपल्या भाषणात आधुनिक जीवनशैलीत खेळांचे महत्व आणि मुलांच्या सर्वांगीण विकासातील खेळांचे योगदान यावर प्रकाश टाकला. ही स्पर्धा यशस्वी करण्यासाठी अमित व्यवहारे, राहुल जैन, प्रकाश फडणीस, सर्वदर्शन पांडे, विवेक जगेतिया, शशिकांत कुंभार, संजय सांगवीकर आणि ज्योती खानवेलकर आदींनी परिश्रम घेतले.