Karan & Tejaswi : सोशल मीडियावर कायम चर्चेत राहणारी जोडी तेजस्वी प्रकाश (Tejasswi Prakash) आणि करण कुंद्रा (Karan Kundra) यांचा तीन वर्षांच्या रिलेशनशिपनंतर ब्रेकअप झाल्याची चर्चा सुरू झाली आहे. बिग बॉस पासून या जोडीची चर्चा होती पण आता त्यांच्या ब्रेकअपच्या चर्चांनी सगळ्यांचं लक्ष वेधून घेतलं आहे.

न्यूज 18 च्या हवाल्याने सूत्रांनी दिलेल्या बातमीनुसार, करण (Karan Kundra) आणि तेजस्वीचा (Tejasswi Prakash) महिन्याभरापूर्वीच ब्रेकअप झाला आहे."करण आणि तेजस्वी आता एकमेकांना डेट करत नाहीत. त्यांचे ब्रेकअप होऊन एक महिन्याहून अधिक काळ लोटला आहे. जरी त्यांच्या ब्रेकअपचे कारण माहित नसले तरी, मला एवढंच माहित आहे की ते एकमेकांना डेट करत आहेत. गेल्या काही काळापासून एकमेकांशी किरकोळ भांडण होत आहे." अस सूत्रांनी म्हंटलं.

तर त्यांच्या सार्वजनिक कार्यक्रमात एकत्र हजेरी लावण्यावर सूत्र म्हणाले की,"गेल्या काही काळापासून ती एक चर्चेत राहिलेली आघाडीची जोडी होती आणि त्यांच्या ब्रेकअपची अचानक बातमी त्यांच्या चाहत्यांना सहन होणार नाही म्हणून त्यांनी काही काळ एकत्र कार्यक्रमांना हजेरी लावण्याचा निर्णय घेतला आहे. लवकरच ते त्यांच्या ब्रेकअप विषयीची बातमी जाहीर करतील.

दरम्यान ,बिग बॉस हिंदीच्या 15 व्या सीजनमध्ये करण आणि तेजस्वीची ओळख झाली आणि मग ते एकमेकांना डेट करू लागले. अनेकांना ही जोडी पसंत पडली होती आणि त्यांनी लवकरात लवकर लग्न करावं अशी चाहत्यांची इच्छा होती.

आता त्या दोघांच्या ब्रेकअपच्या बातम्यांमध्ये किती तथ्य आहे हे जाणून घेण्यासाठी त्यांचे चाहते आणि फॉलोअर्स त्या दोघांच्याही अधिकृत वक्तव्याची वाट पाहत आहेत.