Marathi Entertainment News : झी मराठीवरील पारू ही मालिका त्यातील ट्विस्ट अँड टर्न्समुळे चर्चेत असते. पारू या मालिकेत आता नवीन ट्विस्ट पाहायला मिळेल. रक्षाबंधनचा सण जवळ आला आहे आणि यानिमित्त मालिकेमध्येही आता रंजक वळण येणार आहे. पारू मालिकेत नवीन कलाकाराची एंट्री होणार आहे.

नुकताच झी मराठी वाहिनीवर मालिकेचा नवीन प्रोमो शेअर करण्यात आला. या प्रोमोमध्ये मालिकेतील आगामी ट्विस्टची झलक पाहायला मिळाली. मराठी इंडस्ट्रीमधील चिरतरुण म्हणून ओळखला जाणारा अभिनेता सुनील बर्वे पारू मालिकेतून बऱ्याच काळाने झी मराठीवर कमबॅक करत आहे.

झी मराठीच्या सोशल मीडिया प्रोमोमध्ये शेअर करण्यात आलं कि, अहिल्यादेवी एका पाकिटात राखी पाठवतात तेव्हा त्यांचा नवरा तिला तू अजूनही राखी पाठवतेस असं विचारतात तेव्हा त्या एक दिवस माझ्या भावापर्यंत राखी नक्की पोहोचेल असं म्हणातात. तेव्हा अहिल्यादेवींनी पाठवलेलं राखीच पाकीट पोहोचतं आणि त्यांचा भाऊ ते पाकीट उघडूनही न बघता एका पेटीत ठेवून देतो आणि नंतर अहिल्या देवींच्या जुन्या फोटोकडे बघतो असं दाखवण्यात आलं आहे. अहिल्यादेवी आणि त्यांच्या भावामध्ये काहीतरी वाद आहे असं या प्रोमोमधून समजतंय.

अभिनेता सुनील बर्वे एका शेतकऱ्याच्या भूमिकेत या मालिकेत पाहायला मिळणार आहे. प्रोमोमधील त्याचा लूक सगळ्यांनाच पसंत पडला. सहकुटूंब सहपरिवार या स्टार प्रवाहवरील मालिकेत त्यांनी अखेरचं काम केलं होतं. त्यानंतर बऱ्याच काळाने ते पुन्हा एकदा एका नव्या भूमिकेतून प्रेक्षकांच्या भेटीस येणार आहेत. अहिल्यादेवी आणि त्यांच्या मोठ्या भावाचं नातं आता या मालिकेत उलगडणार आहे.

अहिल्यादेवी आणि त्यांच्या मोठ्या भावातील दुरावा मिटेल का ? मालिकेत आता काय घडणार या सगळ्या प्रश्नांची उत्तर मालिकेच्या आगामी भागात मिळतील तेव्हा पाहायला विसरू नका पारू १ ९ ऑगस्टला रात्री ७ :३ ० वाजता फक्त झी मराठीवर.