Shivani Sonar & Ambar Ganpule : 'राजा रानीची गं जोडी' या कलर्स मराठीवरील मालिकेतून शिवानी सोनार घराघरात पोहोचली. या मालिकेत तिने साकारलेली संजू सगळ्यांनाच आवडली. तर अभिनेता अंबर गणपुलेने रंग माझा वेगळा या मालिकेत काम केलं होतं. शिवानी आणि अंबरने काही महिन्यांपूर्वीच साखरपुडा केला. त्यांच्या या सरप्राईज साखरपुड्याच्या सगळेच चकित झाले.

शिवानी आणि अंबरची लव्हस्टोरी कधी आणि कशी सुरु झाली ? असा प्रश्न अगदी शिवानीच्या चाहत्यांनाही पडला होता. नुकत्याच राजश्री मराठीला दिलेल्या मुलाखतीमध्ये शिवानीने तिची आणि अंबरची लव्हस्टोरी शेअर केली.

शिवानीने मुलाखतीमध्ये सांगितलं कि, ते दोघेही पुण्याचे आहेत. राजा रानी ही शिवानीची मालिका संपल्यानंतर ती पुण्यात परत आली आणि त्याचवेळेस रंग माझा वेगळाच शूटिंग संपल्यामुळे अंबर पुण्यात होता. ते दोघेही एकमेकांना ओळखत होते पण चांगले मित्र नव्हते. शिवानी आणि अंबरचा एक कॉमन मित्र आहे पराग जो देखील फिल्म इंडस्ट्रीशी संबंधित आहे. तर परागला एक शॉर्ट फिल्म बनवायची होती आणि शॉर्ट फिल्मसाठी त्याने या दोघांना कास्ट केलं.

या फिल्मच्या रिडींग दरम्यान या दोघांची मैत्री झाली,जवळीक वाढली आणि एकमेकांना ते आवडू लागले. ती शॉर्ट फिल्म तर बनली नाही पण अंबर आणि शिवानीची जोडी जमली. त्यानंतर अंबरने तिला प्रपोज केलं ते डेट करू लागले पण त्यांनी ही गोष्ट सोशल मीडियावर कधीच शेअर नाही केली. त्यांच्या जवळच्या मित्रांना आणि घरच्यांना याबद्दल कल्पना होती. त्यानंतर जेव्हा त्यांनी त्यांचं नातं जाहीर करण्याचा निर्णय घेतला तेव्हा आपण साखरपुडा उरकूनच नातं जाहीर करू असं त्यांनी ठरवलं आणि एप्रिलमध्ये या जोडीने साखरपुडा केला.

शिवानीने आतापर्यंत 'डॉ. बाबासाहेब आंबेडकर-महामानवाची महागाथा','राजा रानीची गं जोडी','सिंधुताई माझी माई' या मालिकांमध्ये काम केलं आहे. सध्या तिची सोनी मराठीवर सुरु असलेली 'तू भेटशी नव्याने' ही मालिका खूप गाजतेय.