माळेगाव - 'माझ्या नंतर पवारसाहेबांचे भाषण आपल्याला ऐकायचे आहे. मला येथे अजितबात आवाज नकोय अन्यथा पोलिसांना पाठवून हॉलच्या बाहेर पाटविन, असे खडेबोल सुनावत विद्यार्थ्यांना शांत करण्याचा प्रयत्न उपमुख्यमंत्री अजित पवार यांनी केला. बारामतीमध्ये साकारलेल्या सायन्स अ‍ॅन्ड इनोव्हेशन अ‍ॅक्टीव्हिटी सेंटरच्या उघाटन प्रसंगी झालेल्या कार्य़क्रमात अचानक घडलेला हा प्रसंग एकच चर्चेचा विषय ठरला. यावेळी अजित पवार शिक्षकाच्या भूमिकेत दिसल्याने विद्यार्थ्यांमध्ये काहीशी शांतता पसरल्याचे दिसून आले.

कार्य़क्रमाचे प्रस्ताविक राजेंद्र पवार यांनी केले, त्यानंतर सुप्रिया सुळे, आंतरराष्ट्रीय शास्त्रज्ञ अनिल काकोडकर आदी वक्त्यांची भाषणे सुरू असताना कार्यक्रम स्थळी उभारलेल्या विद्यार्थ्यांच्या गॅलरीमध्ये खूपच गोंधळ आणि आवाज येत होता. हे अजितदादांना अवडले नाही. स्वतःचे भाषण संपविण्याच्या आगोदर ते संबंधित विद्यार्थ्यांना उद्देशून म्हणाले,' माझ्या नंतर पवारसाहेबांचे भाषण आपल्याला ऐकायचे आहे. मला येथे अजितबात आवाज नकोय अन्यथा पोलिसांना पाठवून हॉलच्या बाहेर पाटविन.' दादा विद्यार्थ्यांवर ओरडल्याने त्यांच्या भूमिकेचा कार्यक्रमस्थळी चर्चेचा विषय पुढे आला.