पुणे :  ‘कॉलेज डायरी’ सिनेमाच्या कलाकारांनी वितरकांना मारहाण केली आहे.पैसे घेऊन थिएटर कमी दिल्याच्या रागातून वितरकांना मारहाण केल्याची घटना घडली आहे. जंगली महाराज रस्त्यावर हा प्रकार घडला आहे. 

कॉलेज डायरी हा सिनेमा 8 मार्चला प्रदर्शित झाला आहे. हा सिनेमा राज्यातील 100 थिएटर्समध्ये दाखवण्याचे आश्वासन वितरक योगेश गोसावी आणि सचिन पारेकर या दोघांनी दिले होते. मात्र प्रत्यक्षात हा सिनेमा फक्त 45 थिएटर्समध्येच प्रदर्शित करण्यात आल्याचा आरोप कलाकारांनी केला. तसेच निर्माते अनिकेत घाडगे यांनीही हाच आरोप केला. याच रागातून चित्रपटातील कलाकार अविनाश खेडेकर आणि विशाल सांगळे यांनी वितरकांना मारहाण केली.