पुणे- भारती विद्यापीठ पुणे येथिल सत्यज्योत प्रतिष्ठानने आयोजित केलेला दहिहांडी उत्सव काल (ता.03) उत्साहात पार पडला. साऊंड सिस्टीमच्या तालावर ठेका धरणारी तरुणाई... थरावर थर रचण्याचा प्रयत्न करणारे गोविंदा... अशा उत्साही वातावरणात सोमवारी हा दहीहंडी उत्सव पार पडला. महाविद्यालयीन विद्यार्थ्यांनी गाण्यांच्या ठेक्यावर खूप जल्लोष केल्याचे पहायला मिळाले.

सत्यज्योत प्रतिष्ठानची ही दहीहंडी मुंबई, चेंबूर येथिल मराठा योद्धा गोविंदा पथकाने पाचव्या थरावर तिसऱ्या प्रयत्नात फोडली. तसेच, या उत्सवासाठी रुद्ररुपम ढोल ताशा पथकाचा गजरही तरुणाईला अनुभवायला मिळाला. 

यावेळी, सत्यज्योत प्रतिष्ठानचे संस्थापक गणेश काळे, अध्यक्ष अतुल काकडे, उपाध्यक्ष बाळासाहेब गदळे, कार्याध्यक्ष महेश दसवडकर, प्रतिष्ठानचे पदाधिकारी आणि कार्यकर्ते मोठ्या प्रमाणावर उपस्थित होते. यावेळी, सत्यज्योत प्रतिष्ठानकडून उपस्थितांचे आभार मानण्यात आले आहेत.