हडपसर (पुणे) : भाजप-सेना सरकारच्या काळात हडपसरमध्ये नवीन कचरा प्रकल्प लादले. यामुळे दुर्दैवाने हडपसरची ओळख मागील काही वर्षात कचरानगरी अशी झाली. या भागाची ओळख बदलण्याचा मी निर्धार केला असून आमदार झाल्यानंतर येथील कचरा प्रकल्प हटविण्याबाबत मी कटिबद्ध आहे, असे प्रतिपादन हडपसर विधानसभा मतदारसंघ महाआघाडीचे उमेदवार चेतन तुपे यांनी केले.

रामटेकडी, वैदूवाडी, गोसावीवस्ती परिसरात त्यांनी जनतेशी संवाद साधला, याप्रसंगी ते बोलत होते. तुपे म्हणाले, राष्ट्रवादीच्या हाती महानगरपालिका होती, तेव्हा आम्ही लोकांची कामे केली आहेत. आघाडीची सत्ता आली तर आम्ही भौतिक सुविधा नक्कीच देणार. शरद पवार साहेबांनी नेहमीच लोक हिताच्या कामांना महत्व देऊन जनतेचे प्रश्न सोडविले आहेत. आम्ही त्यांचाच विचार पुढे घेऊन जात आहोत.

म्हस्के म्हणाले, भीमनगर, घोरपडी, बी. टी. कवडे रोड, भागात महाआघाडीच्या नगरसेवकांनी नागरिकांची मूलभूत प्रश्न सोडवले. त्यामुळे येथील जनता महाआघाडी उमेदवाराला निच्छीतपणे पाठिंबा देतील.

याप्रसंगी नगरसेवक आनंद अलकुंटे, दशरथ शिंदे, विलास अलकुंटे, माजी नगरसेवक प्रशांत म्हस्के, सुरेखा कवडे, विजया कापरे, पार्वती भडके, रंजना पवार, चंद्रकांत कवडे, आबा कापरे, हनु तुपे, संजय डोंगरे, राजू कोंडे, मख्खनसिंग कल्याणी, संजय तुपे, निजाम शेख, मारूती धुमाळ, प्रविण तुपे, अॅड. असल्म सय्यद, निजाम शेख, राजू शिवले, सुधीर शिंदे, विक्रम राऊत, सागर कांबळे, माजी नगरसेवक प्रशांत म्हस्के, चंद्रकांत कवडे, आबा कापरे, पार्वती भडके, संकेत कवडे, सागरराजे भोसले, सविता मोरे यांच्यासह परिसरातील पदाधिकारी व कार्यकर्ते मोठ्या प्रमाणात सहभागी झाले होते.